Маладыя і таленавітыя
23.06.2011
—
Новости Общества
Па ўсім свеце годна абараняюць гонар краіны школьнікі і навучэнцы, якія перамагаюць на фестывалях, конкурсах, алімпіядах
На прэстыж, добрае імя Беларусі працуе кожная такая перамога. Скажам, сёлета навучэнец ліцэя Беларускага дзяржуніверсітэта Яўген Аніскевіч заваяваў залаты медаль 45-й Міжнароднай Мендзялееўскай алімпіяды па хіміі, а “бронза” — у яго аднакашніка Аляксея Краўцова. Між тым на алімпіядзе спаборнічалі школьнікі, ліцэісты, гімназісты з 11 краін СНД і Балтыі, а таксама з Румыніі, Балгарыі, Македоніі.
Традыцыя перамагаць — вельмі важная для творчых талентаў. І грамадства шмат робіць для таго, каб яна не парывалася. На нядаўняй сустрэчы Аляксандра Лукашэнкі з лаўрэатамі прэзідэнцкага фонду па падтрымцы таленавітай моладзі ў Палацы Рэспублікі быў і Міхаіл Кавальчук з 71-й мінскай школы. Летась на Мендзялееўскай алімпіядзе ён не проста стаў абсалютным пераможцам — набраў рэкордную суму балаў за ўсю яе гісторыю! Міхаіл плануе звязаць жыццё з фармацэўтыкай, медыцынай, марыць сінтэзаваць лекі ад ракавых захворванняў.
Кожны такі талент — вялікая каштоўнасць для краіны. І яны, вядома ж, не з’яўляюцца на “голым месцы”. Напрыклад, хімія, біялогія, інфарматыка ў Беларусі даўно ў вялікай пашане. Між іншым, гэта хімікі з Нацыянальнай акадэміі навук Беларусі прапанавалі салігорскім калійшчыкам новую тэхналогію гранулявання солі.
Цяпер яна ўкаранёна і дае штогод значны дадатковы валютны прыбытак. Мала хто ведае, але і высокая якасць беларускіх дарог дасягаецца з удзелам інтэлектуалаў: вучоныя прыдумалі такія бітумы, што значна павялічваюць даўгавечнасць асфальтавага пакрыцця.
Да дзясяткаў розных алімпіяд, фэстаў, конкурсаў, якія адкрываюць магчымасці юным талентам праявіць сябе, сёлета дадаліся яшчэ два творчыя тэлепраекты: “Я спяваю” і “Дзеці новага пакалення”. Так, у краіне расце дастойная навуковая і творчая змена. Лепшае таму пацвярджэнне — 26 узнагарод высокай пробы, што заваявалі летась нашы школьнікі на міжнародных алімпіядах. Паспяхова выступалі яны і на маладзёжных Дэльфійскіх гульнях, на розных музычных фэстах і конкурсах. “Краіна дае ўсім унікальныя стартавыя магчымасці, — адзначыў Прэзідэнт. — Скарыстайце іх разумна як для сябе, так і для Айчыны. Хай вашы медалі і прызы з часам прынясуць рэальную карысць Беларусі”. Ён паабяцаў, што і ў далейшым пераможцы міжнародных алімпіяд, прызёры прэстыжных творчых конкурсаў і фэстаў могуць разлічваць на падтрымку дзяржавы. Лепшыя з іх атрымалі ўзнагароды.
Варта нагадаць, што спецфонд Прэзідэнта Беларусі па падтрымцы таленавітай моладзі заснаваны ў сярэдзіне 90-х, і за гэты час амаль 23 тысячы юных талентаў і іх выкладчыкаў адчулі клопат дзяржавы.
А напярэдадні сустрэчы з Прэзідэнтам таленавітыя юнакі і дзяўчаты атрымалі пасведчанні і нагрудныя знакі лаўрэатаў спецфонду ў Літаратурным музеі Максіма Багдановіча. Як вядома, сёлета 120-я ўгодкі пісьменніка, а сам музей — гэта, зазначыў міністр культуры Павел Латушка, “сімвал нашай культуры, нашай нацыі, нашага беларускага слова”. Ён нагадаў, што ўпершыню прынята і рэалізуецца дзяржпраграма “Культура Беларусі” на 2011–2015 гады, у якой прадугледжана і значная падтрымка творчай моладзі з боку дзяржавы. У прыватнасці, у лепшых беларускіх студэнтаў з’явілася магчымасць стажыроўкі ў Расійскай акадэміі музыкі імя Гнесіных, Маскоўскай дзяржкансерваторыі імя П. І. Чайкоўскага, іншых вядомых навучальных установах.
“Лаўрэатамі спецфонду ў чарговы раз сталі пераможцы і прызёры міжнародных і ўсебеларускіх спаборніцтваў, — удакладніла начальнік аддзела падтрымкі і развіцця культурна-адукацыйных ініцыятыў Інстытута беларускай культуры Вікторыя Ігнаценка. — У прыватнасці, гэта ўсебеларускі конкурс маладых талентаў “Зорка ўзышла над Беларуссю”, VI адкрытыя маладзёжныя Дэльфійскія гульні краін СНД, Х Міжнародны конкурс юных кампазітараў імя Юрыя Семянякі і іншыя”. Для ўдзельнікаў сустрэчы ладзілася экскурсія па музеі “Шляхамі Максіма Багдановіча”.
Іван Ждановіч
На прэстыж, добрае імя Беларусі працуе кожная такая перамога. Скажам, сёлета навучэнец ліцэя Беларускага дзяржуніверсітэта Яўген Аніскевіч заваяваў залаты медаль 45-й Міжнароднай Мендзялееўскай алімпіяды па хіміі, а “бронза” — у яго аднакашніка Аляксея Краўцова. Між тым на алімпіядзе спаборнічалі школьнікі, ліцэісты, гімназісты з 11 краін СНД і Балтыі, а таксама з Румыніі, Балгарыі, Македоніі. Традыцыя перамагаць — вельмі важная для творчых талентаў. І грамадства шмат робіць для таго, каб яна не парывалася. На нядаўняй сустрэчы Аляксандра Лукашэнкі з лаўрэатамі прэзідэнцкага фонду па падтрымцы таленавітай моладзі ў Палацы Рэспублікі быў і Міхаіл Кавальчук з 71-й мінскай школы. Летась на Мендзялееўскай алімпіядзе ён не проста стаў абсалютным пераможцам — набраў рэкордную суму балаў за ўсю яе гісторыю! Міхаіл плануе звязаць жыццё з фармацэўтыкай, медыцынай, марыць сінтэзаваць лекі ад ракавых захворванняў.
Кожны такі талент — вялікая каштоўнасць для краіны. І яны, вядома ж, не з’яўляюцца на “голым месцы”. Напрыклад, хімія, біялогія, інфарматыка ў Беларусі даўно ў вялікай пашане. Між іншым, гэта хімікі з Нацыянальнай акадэміі навук Беларусі прапанавалі салігорскім калійшчыкам новую тэхналогію гранулявання солі.
Цяпер яна ўкаранёна і дае штогод значны дадатковы валютны прыбытак. Мала хто ведае, але і высокая якасць беларускіх дарог дасягаецца з удзелам інтэлектуалаў: вучоныя прыдумалі такія бітумы, што значна павялічваюць даўгавечнасць асфальтавага пакрыцця.
Да дзясяткаў розных алімпіяд, фэстаў, конкурсаў, якія адкрываюць магчымасці юным талентам праявіць сябе, сёлета дадаліся яшчэ два творчыя тэлепраекты: “Я спяваю” і “Дзеці новага пакалення”. Так, у краіне расце дастойная навуковая і творчая змена. Лепшае таму пацвярджэнне — 26 узнагарод высокай пробы, што заваявалі летась нашы школьнікі на міжнародных алімпіядах. Паспяхова выступалі яны і на маладзёжных Дэльфійскіх гульнях, на розных музычных фэстах і конкурсах. “Краіна дае ўсім унікальныя стартавыя магчымасці, — адзначыў Прэзідэнт. — Скарыстайце іх разумна як для сябе, так і для Айчыны. Хай вашы медалі і прызы з часам прынясуць рэальную карысць Беларусі”. Ён паабяцаў, што і ў далейшым пераможцы міжнародных алімпіяд, прызёры прэстыжных творчых конкурсаў і фэстаў могуць разлічваць на падтрымку дзяржавы. Лепшыя з іх атрымалі ўзнагароды.
Варта нагадаць, што спецфонд Прэзідэнта Беларусі па падтрымцы таленавітай моладзі заснаваны ў сярэдзіне 90-х, і за гэты час амаль 23 тысячы юных талентаў і іх выкладчыкаў адчулі клопат дзяржавы.
А напярэдадні сустрэчы з Прэзідэнтам таленавітыя юнакі і дзяўчаты атрымалі пасведчанні і нагрудныя знакі лаўрэатаў спецфонду ў Літаратурным музеі Максіма Багдановіча. Як вядома, сёлета 120-я ўгодкі пісьменніка, а сам музей — гэта, зазначыў міністр культуры Павел Латушка, “сімвал нашай культуры, нашай нацыі, нашага беларускага слова”. Ён нагадаў, што ўпершыню прынята і рэалізуецца дзяржпраграма “Культура Беларусі” на 2011–2015 гады, у якой прадугледжана і значная падтрымка творчай моладзі з боку дзяржавы. У прыватнасці, у лепшых беларускіх студэнтаў з’явілася магчымасць стажыроўкі ў Расійскай акадэміі музыкі імя Гнесіных, Маскоўскай дзяржкансерваторыі імя П. І. Чайкоўскага, іншых вядомых навучальных установах.
“Лаўрэатамі спецфонду ў чарговы раз сталі пераможцы і прызёры міжнародных і ўсебеларускіх спаборніцтваў, — удакладніла начальнік аддзела падтрымкі і развіцця культурна-адукацыйных ініцыятыў Інстытута беларускай культуры Вікторыя Ігнаценка. — У прыватнасці, гэта ўсебеларускі конкурс маладых талентаў “Зорка ўзышла над Беларуссю”, VI адкрытыя маладзёжныя Дэльфійскія гульні краін СНД, Х Міжнародны конкурс юных кампазітараў імя Юрыя Семянякі і іншыя”. Для ўдзельнікаў сустрэчы ладзілася экскурсія па музеі “Шляхамі Максіма Багдановіча”.
Іван Ждановіч