“Старая вежа” - новая візітоўка Гомеля
17.06.2011 14:50
—
Новости Общества
“Старая вежа” - новая візітоўка Гомеля
Ёсць! Нарэшце гэта адбылося: у абласным цэнтры пачата будаўніцтва арыгінальнага архітэктурнага комплексу. Рашэннем інспекцыі Дэпартамента кантролю і нагляду за будаўніцтвам па Гомельскай вобласці і з улікам заўваг Гомельскага гарвыканкама ТАА “Гомельскі цэнтр будаўніцтва і рамонту” атрымала канчатковы дазвол на рэканструкцыю воданапорнай вежы па вуліцы Кірава, 89, у Гомелі. Тут з’явіцца аб’ект грамадскага харчавання — кафэ.
Нагадаем, на старонках “Гомельскай праўды” мы ўжо распавядалі аб вежы і самім комплексе (“Гомельскія данжоны”, “ГП” ад 9 лютага 2010 года; “Лялька. Калі з’яўляецца сапраўдны гаспадар”, “ГП” ад 22 мая 2010 года). Будаўніцтва гэтага аб’екта не пачыналася з-за таго, што вырашалася пытанне аб памерах пляцоўкі. Калі б яна была пашырана, комплекс быў бы значна большым. Зараз тэрыторыя складае амаль 0,1 га (10 сотак): 0,055 га — мелася раней, 0,04 га было выдзелена рашэннем Гомельскага гарвыканкама пад будаўніцтва. З улікам памераў і быў распрацаваны план узвядзення архітэктурнага комплексу.
Заказчыкам і генеральным падрадчыкам работ з’яўляецца згаданае таварыства. Будаўніцтва падзелена на дзве чаргі: 1 лютага — 31 снежня 2011 года, 1 студзеня — 1 чэрвеня 2012 года. Калі ўсе работы будуць праведзены належным чынам і будзе дастатковае фінансаванне, да канца 2012 года кафэ прыме першых наведвальнікаў.
У дзень, калі я пабываў на будаўнічай пляцоўцы, тут завяршаліся работы па ўзвядзенні падмурка прыбудовы. Вядучы інжынер па інвестыцыях ТАА “Гомельскі цэнтр будаўніцтва і рамонту” Валерый Сакалоў адзначыў, што асноўнай праблемай пры будаўніцтве гэтага комплексу з’яўляецца абмежаванасць пляцоўкі. Зараз будаўнікі выйшлі на адзнаку “0”, а гэта значыць, што праз дзень-два яны пачнуць класці цэглу. Комплекс будзе складацца з вежы і трохпавярховай прыбудовы, якая зараз і ўзводзіцца.
Уладальнікі вырашылі здзівіць наведвальнікаў. Па-першае, акрамя таго, што кожны з трох паверхаў будзе адрознівацца ўнутраным афармленнем, прадугледжваецца таксама, што ў кожнага з іх будзе свой расклад працы. Такое своеасаблівае кафэ ў кафэ. Прыбудова, як і вежа, будзе з чырвонай цэглы. Над трохпавярховай прыбудовай узнімецца невялічкая чатырохгранная вежачка з флюгерам ці сцягам наверсе. Дах будзе плоскі і стылізаваны зубцамі, накшталт баявой пляцоўкі знакамітай камянецкай вежы. Уладальнікі плануюць пасля завяршэння ўсіх работ арганізаваць на даху тэрасу для адпачынку з лужком, карлікавымі дрэўцамі.
Зараз у воданапорнай вежы, вышыня якой з дзесяціпавярховы дом, пачынаюцца падрыхтоўчыя работы па мантажы столявых перакрыццяў. Іх праводзіць вельмі цяжка, бо тэхніку сюды ніяк нельга даставіць, усё робіцца толькі ўручную. На першым паверсе вежы будзе гардэроб, на другім, магчыма, з’явіцца більярд, на астатніх… няхай гэта будзе сюрпрызам.
Тэрыторыя ўсяго комплексу будзе адпавядаць стылю вежы. Агароджа з чырвонай цэглы будзе ўпрыгожана ліхтарыкамі.
Паралельна з будаўніцтвам кафэ праводзяцца работы па добраўпарадкаванні прылягаючай тэрыторыі. Гомельскі цэнтр будаўніцтва і рамонту ўжо выканаў абяцанне зрабіць агароджу і адрамантаваць медпункт дзіцячага сада № 15 “Сонейка”, які месціцца паблізу. Заезд да комплексу будзе з вуліцы Кірава, выезд — на Новапалескую. На Кірава будзе зроблена паркоўка.
Дырэктар ТАА “Гомельскі цэнтр будаўніцтва і рамонту” Вадзім Кернажыцкі адзначыў: “Будучы комплекс — гэта наш гонар, гэта твар нашага таварыства. Мы праводзім рэканструкцыю вежы з улікам новай прыбудовы. Усё гэта застанецца нам, нашым дзецям, унукам, будучым пакаленням”.
Назва ў кафэ будзе простая, прыгожая, сімвалічная — “Старая вежа”.
Воданапорныя вежы і маякі прызнаны самай незвычайнай нерухомасцю ў свеце. У апошнія гады мода на іх узрасла, шмат дзе іх ператвараюць у кавярні, кафэ, гасцініцы, нават прыстасоўваюць пад жыллё. Вось і ў Беларусі ў хуткім часе з’явіцца яшчэ адно арыгінальнае і цікавае месца для адпачынку, прапіскай якому стане горад Гомель. Назіраючы за цікавасцю жыхароў горада да гэтага аб’екта, можна меркаваць, што “Старая вежа” будзе карыстацца вялікім попытам. Магчыма, яна стане яшчэ адной візітнай карткай абласнога цэнтра.
Нагадаем, на старонках “Гомельскай праўды” мы ўжо распавядалі аб вежы і самім комплексе (“Гомельскія данжоны”, “ГП” ад 9 лютага 2010 года; “Лялька. Калі з’яўляецца сапраўдны гаспадар”, “ГП” ад 22 мая 2010 года). Будаўніцтва гэтага аб’екта не пачыналася з-за таго, што вырашалася пытанне аб памерах пляцоўкі. Калі б яна была пашырана, комплекс быў бы значна большым. Зараз тэрыторыя складае амаль 0,1 га (10 сотак): 0,055 га — мелася раней, 0,04 га было выдзелена рашэннем Гомельскага гарвыканкама пад будаўніцтва. З улікам памераў і быў распрацаваны план узвядзення архітэктурнага комплексу.
Заказчыкам і генеральным падрадчыкам работ з’яўляецца згаданае таварыства. Будаўніцтва падзелена на дзве чаргі: 1 лютага — 31 снежня 2011 года, 1 студзеня — 1 чэрвеня 2012 года. Калі ўсе работы будуць праведзены належным чынам і будзе дастатковае фінансаванне, да канца 2012 года кафэ прыме першых наведвальнікаў.
У дзень, калі я пабываў на будаўнічай пляцоўцы, тут завяршаліся работы па ўзвядзенні падмурка прыбудовы. Вядучы інжынер па інвестыцыях ТАА “Гомельскі цэнтр будаўніцтва і рамонту” Валерый Сакалоў адзначыў, што асноўнай праблемай пры будаўніцтве гэтага комплексу з’яўляецца абмежаванасць пляцоўкі. Зараз будаўнікі выйшлі на адзнаку “0”, а гэта значыць, што праз дзень-два яны пачнуць класці цэглу. Комплекс будзе складацца з вежы і трохпавярховай прыбудовы, якая зараз і ўзводзіцца.
Уладальнікі вырашылі здзівіць наведвальнікаў. Па-першае, акрамя таго, што кожны з трох паверхаў будзе адрознівацца ўнутраным афармленнем, прадугледжваецца таксама, што ў кожнага з іх будзе свой расклад працы. Такое своеасаблівае кафэ ў кафэ. Прыбудова, як і вежа, будзе з чырвонай цэглы. Над трохпавярховай прыбудовай узнімецца невялічкая чатырохгранная вежачка з флюгерам ці сцягам наверсе. Дах будзе плоскі і стылізаваны зубцамі, накшталт баявой пляцоўкі знакамітай камянецкай вежы. Уладальнікі плануюць пасля завяршэння ўсіх работ арганізаваць на даху тэрасу для адпачынку з лужком, карлікавымі дрэўцамі.
Зараз у воданапорнай вежы, вышыня якой з дзесяціпавярховы дом, пачынаюцца падрыхтоўчыя работы па мантажы столявых перакрыццяў. Іх праводзіць вельмі цяжка, бо тэхніку сюды ніяк нельга даставіць, усё робіцца толькі ўручную. На першым паверсе вежы будзе гардэроб, на другім, магчыма, з’явіцца більярд, на астатніх… няхай гэта будзе сюрпрызам.
Тэрыторыя ўсяго комплексу будзе адпавядаць стылю вежы. Агароджа з чырвонай цэглы будзе ўпрыгожана ліхтарыкамі.
Паралельна з будаўніцтвам кафэ праводзяцца работы па добраўпарадкаванні прылягаючай тэрыторыі. Гомельскі цэнтр будаўніцтва і рамонту ўжо выканаў абяцанне зрабіць агароджу і адрамантаваць медпункт дзіцячага сада № 15 “Сонейка”, які месціцца паблізу. Заезд да комплексу будзе з вуліцы Кірава, выезд — на Новапалескую. На Кірава будзе зроблена паркоўка.
Дырэктар ТАА “Гомельскі цэнтр будаўніцтва і рамонту” Вадзім Кернажыцкі адзначыў: “Будучы комплекс — гэта наш гонар, гэта твар нашага таварыства. Мы праводзім рэканструкцыю вежы з улікам новай прыбудовы. Усё гэта застанецца нам, нашым дзецям, унукам, будучым пакаленням”.
Назва ў кафэ будзе простая, прыгожая, сімвалічная — “Старая вежа”.
Воданапорныя вежы і маякі прызнаны самай незвычайнай нерухомасцю ў свеце. У апошнія гады мода на іх узрасла, шмат дзе іх ператвараюць у кавярні, кафэ, гасцініцы, нават прыстасоўваюць пад жыллё. Вось і ў Беларусі ў хуткім часе з’явіцца яшчэ адно арыгінальнае і цікавае месца для адпачынку, прапіскай якому стане горад Гомель. Назіраючы за цікавасцю жыхароў горада да гэтага аб’екта, можна меркаваць, што “Старая вежа” будзе карыстацца вялікім попытам. Магчыма, яна стане яшчэ адной візітнай карткай абласнога цэнтра.