Трэніроўкі да парада скарэктуюць рух транспарту

У перыяд правядзення трэніровак ваеннай тэхнікі змяненні закрануць працу шэрагу маршрутаў гарадскога і прыгараднага транспарту ў сталіцы.

У прыватнасці, як паведамілі ў дзяржаўным прадпрыемстве "Мінсктранс", у сувязі з вышэйсказаным да 23 чэрвеня па аўторках, серадах, чацвяргах з 9.00 да 9.45 і з 15.00 да 15.45 будзе закрыты рух усіх відаў транспарту па вуліцы Заснавальнікаў (раён ваеннага гарадка "Уручча"). Ва ўказаны перыяд часу рэйсы на гарадскіх і прыгарадных аўтобусных маршрутах №№ 31, 86, 155, 306, 399 выконвацца не будуць.

Таксама ў сувязі з правядзеннем трэніровак роты ганаровай варты ў раёне абеліска "Мінск — горад-герой" 15, 17-18, 24-25, 27, 29 чэрвеня з 22.00 да 24.00 будзе закрыты рух усіх відаў транспарту па праспекце Машэрава на ўчастку ад вуліцы Даўмана і да праспекта Пераможцаў. Ва ўказаны перыяд рух аўтобусаў гарадскіх маршрутаў №№ 29, 44, 136 арганізуецца ў абодвух напрамках па праспекце Машэрава, вуліцы Даўмана, Старавіленскім тракце, вуліцах В. Харужай, Чарвякова, Арлоўскай, праспекце Пераможцаў.