"Дзеці вайны" на паштовым канверце

РУП "Белпошта" прэзентавала новы памятны канверт з выявай магілёўскага помніка "Дзецям вайны".

28 красавіка новы канверт, які выраблены накладам у 20 тысяч, прадставілі ў Магілёўскім філіяле "Белпошты". Яго можна выкарыстоўваць у межах Беларусі і пры адпраўцы лістоў і паштовак за мяжу.

Помнік "Дзецям вайны" быў адкрыты ў Магілёве 3 ліпеня 2009 года да 65-годдзя вызвалення Беларусі ад нямецка-фашысцкіх захопнікаў. Ён усталяваны на ахвяраванні людзей. Цяпер у Магілёўскай вобласці жывуць каля 2 тысяч чалавек, — былых малалетніх вязняў.

Ілона Іванова.