"БудзьмаТUТ!" — пункт рэанімацыі гісторыі

"БудзьмаТUТ!" — пункт рэанімацыі гісторыі

• Budzma.org
  Мульт "Будзьма беларусамі!" ("Шалёны народ") хутка выйдзе на маніторы краіны і цэлага свету. За пяць хвілінаў — пра тысячагадовую гісторыю Беларусі. 

   

   

  Як гэта будзе і як можа быць? Першае беларускае ток-шоу ў байнэце "Шалёныя VS памяркоўныя" не спынілася! Дыскусіі працягваюцца тут і цяпер — у блогу "Будзьма ТUТ!" 

   

  Што ў блогу? Пачынаем з відэа-аповеду Лявона Вольскага пра патаемныя спружыны палітыкі і братэрскую любоў.

   

  Далей — болей: Андрэй Курэйчык, Алег Хаменка, Уладзімір Арлоў і шмат іншых цікавых людзей раскажуць праўдзівую гісторыю Беларусі. Проста, даступна, весела/занудна, а самае галоўнае — суб'ектыўна.

   

  Выказацца можа кожны ахвочы! Ёсць свая версія? Пішыце на блог! Маеце сваё меркаванне па тэме, адпаведныя малюнкі, фотаздымкі ці відэа? Блог адкрыты для ўсіх!

   

  Неўзабаве — Аватар: Усяслаў Чарадзей адкрывае ў нас сваю воўчую жэжэшку.

  Неўзабаве – тое, што не ўвайшло ў відэа (цэнзура ці рэдагаванне).

  Неўзабаве — 5 секунд з мультфільма “Будзьма беларусамі!” і фота Юліі Рудзіцкай!

  Мы не просім рэкамендаваць сябрам. Вы зацікавіцеся – парэкамендуеце самі!