У чацвер прыгрэе да плюс 23

Вось і дачакаліся мы сапраўднай вясны, бо на працягу тыдня будзе толькі цяплець, паведаміла рэдакцыі начальнік аддзела метэапрагнозаў Рэспубліканскага гідраметцэнтра Мінпрыроды Людміла Парашчук.

У сераду і чацвер будзе даволі цёпла, толькі ў чацвер уначы і раніцай месцамі ў Віцебскай вобласці пройдуць кароткачасовыя дажджы. У сераду ўначы будзе каля 0, удзень — плюс 12—18, на паўднёвым захадзе — да 20 цяпла. У чацвер уначы будзе ўжо невялікі плюс, а ўдзень на поўдні прыгрэе нават да 22—23.

Сяргей КУРКАЧ.