ХРОНІКА АПОШНІХ ПАДЗЕЙ
Урон ад землятрусу ў Японіі, якое адбылося 11 сакавіка, ацэньваецца ў 16-25 трыльёнаў ен (198-309 мільярдаў долараў). Пра гэта паведамляе японскае агенцтва Kуоdо Nеws са спасылкай на падлікі мясцовага ўрада.
Ацэнка чыноўнікаў улічвае выдаткі на аднаўленне сацыяльнай інфраструктуры, жылой нерухомасці і заводаў. Такім чынам, у агульныя страты не ўключаны падзенне прамысловага росту, ВУП і аб'ёмаў гандлю, якія выклікала стыхійнае бедства. Для параўнання, Сусветны банк 21 сакавіка ацэньваў страты Японіі ад землятрусу ў суму ад 122 да 235 мільярдаў долараў.
Кітай стане найбуйнейшай эканомікай свету да 2030 годаКітай абыдзе ЗША па аб'ёме ВУП да 2030 года ў выпадку, калі зможа павялічваць свой ВУП на 8 адсоткаў штогод на працягу дваццаці гадоў. Пра гэта заявіў галоўны эканаміст Сусветнага Банка Джасцін Лін.
Цяпер першае месца ў свеце па аб'ёме ВУП займаюць ЗША (каля 14,6 трыльёна долараў). Другі радок па выніках 2010 года заняў Кітай (5,879 трыльёна долараў), які абагнаў па памерах эканомікі ў 2010 годзе Японію (5,474 трыльёна долараў). У 2007 годзе Кітай стаў трэцяй эканомікай свету, адабраўшы гэты статус у Германіі.
Зладзеі абакралі дом былога міністра замежных спраў ФРГ ва ўрадзе Гельмута Коля Ганса-Дытрыха Геншара, паведамляе Bіld.
Апроч каштоўнасцяў, якія належаць жонцы Геншара, зладзеі выкралі гістарычную пёравую ручку, якой у 1990 годзе ў Маскве быў падпісаны дагавор пра аб'яднанне Германіі.
Памерла Элізабэт ТэйларУ ЗША пайшла з жыцця Элізабэт Тэйлар, паведамляе Frаnсе-Рrеssе са спасылкай на блізкія да актрысы крыніцы. Ёй было 79 гадоў.
У сярэдзіне лютага 2011 года Тэйлар была шпіталізавана ў сувязі з сардэчнай недастатковасцю. Актрыса знаходзілася ў медыцынскім цэнтры Сеdаr-Sіnаі ў Лос-Анджэлесе. У сярэдзіне сакавіка 2011 года некаторыя СМІ паведамлялі, што стан Тэйлар дазваляе ёй прымаць сяброў у палаце. Акрамя таго, сёлета яе дзень народзінаў супаў з датай уручэння "Оскараў". Актрыса адзначыла свята праглядам тэлетрансляцыі цырымоніі.
Тэйлар — адна з самых знакамітых актрыс ХХ стагоддзя. Яна знялася амаль у 50 кінастужках. Сярод самых папулярных — "Клеапатра", "Утаймаванне свавольнай", "Хто баіцца Вірджыніі Вульф?". Тэйлар з'яўляецца ўладальніцай двух "Оскараў" за лепшую жаночую ролю.
Навукоўцы высветлілі, які сэкс смяротна небяспечныСэкс можа аказацца смяротна небяспечным, высвятліла група навукоўцаў на чале з доктарам Ісой Дахабрэ з бостанскага медыцынскага цэнтра імя Тафтса. Справа ў тым, што сэкс, як і, напрыклад, прабежка, уяўляе сабой значную напругу арганізма. А такая фізічная нагрузка пагражае сардэчным прыступам чалавеку, які даўно не практыкаваўся.
Вядома, медыкі даўно ведалі, што фізічныя перагрузкі шкодзяць сэрцу. Але даследаванне доктара Дахабрэ ўдакладняе і выразна абгрунтоўвае гэтую выснову. Навукоўцы прааналізавалі 14 праведзеных раней даследаванняў, каб вылічыць сувязь паміж фізічнай актыўнасцю (уключаючы сэкс) і сардэчнымі прыступамі, у тым ліку смяротнымі. Фізічная актыўнасць і сэкс небяспечныя для тых, хто займаецца нерэгулярна. Такім чынам, выпадковы сэкс з большай верагоднасцю прыводзіць да інфаркту, чым рэгулярнае палавое жыццё — шлюбныя пары застаюцца ў перавазе, робіць выснову газета Thе Dаіlу Mаіl. Падчас сэксуальнага кантакту ці адразу пасля яго небяспека перажыць сардэчны прыступ вышэй у 2,7 раза. "Каб сэрца было здаровым, трэба імкнуцца да 30-хвіліннай нагрузкі сярэдняй інтэнсіўнасці, такой, як хуткая хада ці праца ў садзе, не меней пяці разоў на тыдзень, — дадае прадстаўніца брытанскага фонду вывучэння сардэчна-сасудзістых захворванняў Brіtіsh Hеаrt Fоundаtіоn Эмі Томпсан. — Сэкс дае нагрузку на сэрца не большую, чым уздым на некалькі лесвічных маршаў, так што нават людзі з хваробамі сэрца не павінны яго пазбягаць".