Касцюковіцкія свістулькі паступілі ў продаж

У Касцюковіцкім доме рамёстваў днямі адчынілася крама "Сувеніры". У ёй выстаўлены на продаж прадметы дэкаратыўна-прыкладнога мастацтва, якія вырабляюць больш за два дзясяткі майстроў Касцюкоўшчыны.

— У краме можна набыць, напрыклад, свістулькі з гліны, розныя лялькі з саломы і лёну, жывапіс і бацік, статуэткі з дрэва і іншае, — расказаў дырэктар Дома рамёстваў Віктар Давыдаў. — Кошт у сярэднім вагаецца ад 10 да 50 тысяч рублёў. Таксама ў краме ёсць стол замоў, дзе можна вырабіць у тым ліку і прыгожыя рамкі. Інтарэс да вырабаў народных майстроў ёсць, але мы, безумоўна, спадзяёмся, што ў нас будзе больш пакупнікоў.

Ілона ІВАНОВА.