ХРОНІКА АПОШНІХ ПАДЗЕЙ
У сераду ў цэнтры Каіра сталі збірацца тысячы дэманстрантаў, якія выступаюць супраць цяперашняга рэжыму. Адначасова на вуліцы выйшлі прыхільнікі прэзідэнта Хосні Мубарака, які напярэдадні хоць і паабяцаў больш не балатавацца на гэтую пасаду, аднак адмовіўся да верасня сыходзіць у адстаўку, як настойвала апазіцыя. Неўзабаве сталі паступаць паведамленні пра першыя вулічныя бойкі: мяркуючы па тым, што з месца перадаюць тэлеканалы, сутыкненні вельмі разлютаваныя, з усіх бакоў ёсць загінулыя, рахунак параненых ідзе на сотні.
Сутычкі і слоўныя сваркі паміж прыхільнікамі і супернікамі Хосні Мубарака адбыліся на плошчы Тахрыр. Аl-Jаzееrа распавядае, што супернікі пусцілі ў ход камяні і арматуру. У цэнтры горада ўздымаецца вялікае воблака белага дыму, перадае канал. У той жа час тэлеканал Аl-Аrаbіуа паведаміў, што прыхільнікі прэзідэнта ў Каіры напалі на здымачную групу і разбілі камеру. Раздаліся стрэлы. Паводле звестак на момант падпісання нумара ў друк, армія не перайшла ні на адзін бок і спрабавала выбудаваць паміж супернікамі барыкады.
Літоўскі дэпутат ад апазіцыйнай Працоўнай партыі Мечысловас Засчурынскас прапанаваў вярнуць у пашпарты пазначэнне нацыянальнасці, паведамляе ІА RЕGNUM. Адпаведны законапраект ён ужо зарэгістраваў у Сойме.
Калі дакумент будзе прыняты, грамадзяне Літвы змогуць па жаданні ўказваць у пашпарце сваю нацыянальнасць. Ці будзе пры гэтым абмежаваны іх выбар (ці зможа чалавек пры выбары кіравацца толькі нацыянальнасцю бацькоў або ён зможа назваць сябе прадстаўніком любой этнічнай групы па сваім жаданні), не ўдакладняецца.
Указанне нацыянальнасці ў пашпартах, паводле інфармацыі Runеt.lt, было скасавана ў 2003 годзе.
Названы тэрмін дасягнення дапушчальнага доўгу ЗШАДзяржаўны доўг ЗША перавысіць максімальна дапушчальную адзнаку ў 14,29 трыльёна долараў ЗША ў тэрмін ад 5 красавіка да 31 мая 2011 года. Пра гэта паведамляе Аgеnсе Frаnсе-Рrеssе са спасылкай на звесткі Міністэрства фінансаў ЗША.
Верхняя планка дзярждоўгу ўздымаецца ў ЗША адмысловым законапраектам. З 1940 года такіх законапраектаў было ўхвалена каля сотні. Апошні раз планка ўздымалася ў 2010 годзе, калі дапушчальны доўг быў павялічаны адразу на 1,9 трыльёна долараў. Дзярждоўг ЗША расце імклівымі тэмпамі ўсе апошнія гады. У 2008 годзе ён упершыню перавысіў адзнаку ў 10 трыльёнаў долараў, з-за чаго спыніўся "Гадзіннік нацыянальнага доўгу" (Nаtіоnаl Dеbt Сlосk), размешчаны ў Манхэтане: на ім проста скончыліся вольныя разрады. У адносінах да ВУП аб'ём дзярждоўгу ЗША набліжаецца да ста адсоткаў ВУП.
Сусветны кошт на цукар дасягнуў 30-гадовага максімумуСёння кошт сакавіцкіх ф'ючэрсаў на цукар-сырэц на нью-ёркскай біржы ІСЕ Futurеs U.S. вырас на 2,4% да 34,79 цэнта за фунт, што стала самым высокім паказчыкам з лістапада 1980 года. У Лондане ф'ючэрсы на рафінаваны цукар падаражэлі на 1,9% да $834,70 за тону.
За мінулыя 12 месяцаў цукар падаражэў на 18% на гандлі ў Нью-Ёрку з-за слабых ураджаяў у Бразіліі, Пакістане і шэрагу краін Еўропы. Сённяшні рэзкі рост кошту на цукар звязаны з магчымым уронам, які можа нанесці ўраджаю трыснягу ў Аўстраліі цыклон "Ясі". Гэтая краіна займае трэцяе месца ў свеце па аб'ёме экспарту вышэйназванай аграпрадукцыі.
WіkіLеаks: "Аль-Кайда" хутка вырабіць "брудную бомбу"Тэрарыстычная арганізацыя "Аль-Кайда" хутка зможа вырабіць радыеактыўную зброю — так званыя "брудныя бомбы". Яна ўжо назапасіла радыеактыўныя матэрыялы і прыцягнула ў свае шэрагі навукоўцаў-ізгояў, абвяшчаюць сакрэтныя дыпламатычныя дакументы, якія апублікаваў сайт уцечак WіkіLеаks.
У тысячах дакументаў для службовага карыстання, атрыманых WіkіLеаks і перададзеных брытанскай газеце Thе Dаіlу Tеlеgrарh, паведамляецца пра барацьбу супраць распаўсюджвання ў свеце ядзерных, біялагічных і хімічных матэрыялаў ваеннага прызначэння, якая прыняла міжнародны маштаб.
Тэрарысты валодаюць тэхнічнымі ведамі, дастатковымі для вытворчасці выбуховай прылады, больш складанай, чым проста "брудная бомба". Яны распачалі відавочную спробу атрымаць матэрыялы, якія расшчапляюцца. Пра гэта паведаміў амерыканскім спецслужбам у чэрвені 2008 гады саветнік па нацыянальнай бяспецы Індыі.
На сустрэчах прадстаўнікоў спецслужбаў таксама было сказана, што тэрарысты блізкія да вытворчасці "працаздольных і эфектыўных" узораў хімічнай і біялагічнай зброі, здольнай знішчыць тысячы чалавек.