ХРОНІКА АПОШНІХ ПАДЗЕЙ
У маскоўскім аэрапорце "Дамадзедава" ў зоне выдачы багажу ў тэрмінале прылёту міжнародных рэйсаў у 16 гадзін 32 хвіліны па маскоўскім часе прагрымеў выбух. Ахвярамі інцыдэнту сталі не менш 35 чалавек, больш за 130 атрымалі раненні.
Паводле папярэдніх звестак, магутнасць выбуховай прылады склала да сямі кілаграмаў у трацілавым эквіваленце, што ўжо дазваляе СМІ гаварыць пра адзін з самых буйных тэрактаў на транспарце ў свеце. Органы ўжо прапанавалі асноўную версію: выбуховая прылада ў "Дамадзедава" мог прывесці ў дзеянне тэрарыст-смяротнік. Як мяркуюць, ён стаяў сярод людзей, якія сустракалі пасажыраў. Перад трагедыяй спецслужбы былі папярэджаны пра тое, што ў адным з аэрапортаў Масквы рыхтуецца тэракт, паведамляе РІА Навіны са спасылкай на крыніцу ў праваахоўных органах. Па факце тэракта заведзена крымінальная справа. Ужо вядома, што смяротнік быў выхадцам з Паўночнага Каўказа. Абвешчаны ў вышук трое магчымых саўдзельнікаў смяротніка. Між тым, таксісты, якія працуюць у маскоўскім аэрапорце "Дамадзедава", паднялі цэны на свае паслугі да 10—20 тысяч рублёў. Падобная сітуацыя з маскоўскімі таксістамі назіралася таксама пасля папярэдняга тэракта ў сталіцы, які адбыўся летась у сакавіку ў метрапалітэне. Акрамя таго, таксісты ў "Дамадзедава" падымалі цэны пасля абясточвання аэрапорта ў канцы 2010 года.
"Паведамленне пра выбух у аэрапорце Дамадзедава, які прывёў да шматлікіх чалавечых ахвяр, болем адгукнулася ў сэрцах усіх беларусаў, — адзначаецца ў спачуванні. — Раздзяляючы горыч ад гэтай незаменнай страты, выказваю словы спачування і падтрымкі родным і блізкім загінулых ад імя брацкага беларускага народа і ад мяне асабіста".
Прэс-служба Прэзідэнта Рэспублікі Беларусь.
У новую аферу Маўродзі паверылі 15% расіянДа 15% расіян гатовыя прыняць удзел у стварэнні новай фінансавай піраміды, задуманай скандальным прадпрымальнікам Сяргеем Маўродзі. Як высветлілі сацыёлагі, сярод іх сустракаюцца людзі самых рознаых узростаў і ўзроўню прыбытку.
Сярод тых, хто гатовы ўкласці сродкі ў новую рэінкарнацыю "МММ", ёсць таксама і маладыя, добра адукаваныя людзі, нават з фінансавай адукацыяй. Яны, па словах сацыёлага, усё ведаюць, а таму змогуць своечасова ўвайсці і своечасова выйсці з піраміды. У пачатку студзеня ў некаторых СМІ з'явілася інфармацыя пра тое, што стваральнік сумна вядомай фінансавай піраміды МММ Сяргей Маўродзі абвясціў пра запуск новага праекта "МММ-2011". Ён паабяцаў прыбытковасць для звычайных грамадзян 20% у месяц ад укладзеных сродкаў, а пенсіянерам і інвалідам — 30%. Праз некаторы час экспертны савет па развіцці канкурэнцыі Федэральнай антыманапольнай службы прызнаў "МММ-2011" фінансавай пірамідай.
Егіпет запатрабаваў у Германіі бюст НеферціціУлады Егіпта звярнуліся да Германіі з афіцыйным патрабаваннем вярнуць ім бюст Неферціці. Ліст з адпаведным запытам частцы Фонду прускай культурнай спадчыны Герману Парцынгеру накіраваў генеральны сакратар Вышэйшага савета па старажытнасцях Егіпта Захі Хавас.
Вярнуць бюст Неферціці Егіпет спрабуе больш за 80 гадоў. Ён быў знойдзены нямецкім археолагам Людвігам Борхартам у 1912 годзе. Лічыцца, што ён быў вывезены з Егіпта падманам: Борхарт нібыта ўвёў у зман мясцовага інспектара, апісаўшы бюст як некаштоўную знаходку. У 1935 годзе ўлады Германіі згадзіліся вярнуць Егіпту знакаміты артэфакт, аднак Адольф Гітлер адмяніў гэтае рашэнне. Актыўная барацьба за вяртанне бюста аднавілася пад кіраўніцтвам Хаваса, які ўпершыню запатрабаваў ад Германіі вярнуць артэфакт у 2005 годзе, але атрымаў адмову.
Памёр заснавальнік фітнэсу Джэк ЛалэйнУ нядзелю, 23 студзеня, у сваім доме ў Каліфорніі памёр Джэк Лалэйн, які лічыўся "хросным бацькам" і гуру фітнэсу. Як піша San Francіsco Chronіcle, адмысловец па здаровым ладзе жыцця памёр ва ўзросце 96 гадоў ад пнеўманіі.
Кар'ера Джэка Лалэйна, сына французскіх эмігрантаў, пачалася ў 1936 годзе, калі ён адкрыў у Оклендзе, штат Каліфорнія, фітнэс-клуб. Ён заклікаў суайчыннікаў займацца спортам, правільна харчавацца і сачыць за станам свайго здароўя. Ва ўзросце 42 гадоў Лалэйн усталяваў рэкорд хуткасці адцісканняў — ён выканаў 1033 практыкаванні за 23 хвіліны. Гэта дасягненне было занесена ў Кнігу рэкордаў Гінэса. Ва ўзросце 45 гадоў ён здзейсніў тысячу скачкоў на месцы і тысячу падцягванняў за адну гадзіну і 22 хвіліны. Да самага сталага ўзросту Лалэйн плаваў па некалькі кіламетраў, пры гэтым ён быў у наручніках і, як правіла, цягнуў за сабой лодку.
Украінцы прыдумалі адказ вувузелеАсацыяцыя спартыўнага маркетынгу Украіны плануе прапанаваць футбольным заўзятарам да чэмпіянату Еўропы 2012 года "адказ вувузеле" — паўднёваафрыканскай музычнай прыладзе, якая атрымала папулярнасць падчас ЧМ-2010. Гаворка ідзе пра трыпальскую свістульку — зазуліцу, таксама вядомую, як "акарына".
Зазуліца мае "нізкі прыемны гук" і не будзе раздражняць, у адрозненне ад вувузел. Аднак дэлегат Федэрацыі футбола Украіны Стэфан Рэшка выказаў меркаванне, што з рэалізацыяй ідэі могуць узнікнуць цяжкасці, бо УЕФА можа забараніць праносіць на стадыён гліняныя прадметы з-за таго, што іх аскепкі могуць траўмаваць гледачоў. Украіна правядзе Еўра-2012 сумесна з Польшчай, прычым фінальны матч турніру адбудзецца ў Кіеве. Прылады, падобныя акарынам, па ацэнках гісторыкаў, з'явіліся некалькі тысяч гадоў таму. Ва Украіне гліняная свістулька лічыцца сімвалам Трыпальскай культуры, распаўсюджанай у VІ — ІІІ тысячагоддзях да н.э.