На кватэры Лябедзькі пачаўся ператрус

Пра ператрус паведаміла намесніца старшыні выканкама Аб’яднанай грамадзянскай партыі Аксана Крышчановіч.

Паводле яе слоў, на кватэру лідэра партыі, які жыве па вуліцы Лесі Украінкі, з’явіліся супрацоўнікі спецслужбаў. Яны прад’явілі сыну Лябедзькі Арцёму пастанову, якая дазваляе зрабіць ператрус.

Анатоль Лябедзька па-ранейшаму знаходзіцца ў турме КДБ, дзе трымае галадоўку.