Студэнтку ЕГУ знялі з цягніка і дапытваюць на мяжы

Студэнтку ЕГУ Касю Сцяпанаву сёння знялі з цягніка на літоўска-беларускай мяжы. З памежнага пункту «Гудагай» яе забралі міліцыянт і супрацоўнік КДБ.

20-гадовая Кася вярталася з Вільні дахаты на вакацыі. Па словах Касі Сцяпанавай, у яе забралі пашпарт. Больш за гадзіну яна знаходзілася ў нейкім памяшканні на памежным пункце. Кася Сцяпанава кажа, што 19 сьнежня не была ў Мінску, а знаходзілася ў Віцебску, дзе працавала назіральніцай на адным з участкаў (была вылучана групай грамадзян). 20 снежня студэнтка паехала ў Вільню.

Кася Сцяпанава паведаміла, што яе прывезлі ў Астравецкі аддзел КДБ, дзе з ёй размаўляў супрацоўнік дзяржбяспекі. Пра прычыну затрымання ёй не сказалі ні на мяжы, дзе пратрымалі 2 гадзіны, ні ў Астравецкім аддзеле КДБ. Сваякам затрыманай паведамілі толькі, што Кася будзе дапытана «згодна з законам аб аператыўна-следчых дзеяннях».