Вучоныя выдалі пашпарты беларускім дубам

Як паведаміў карэспандэнт агенцтва "Мінск—Навіны", дырэктар Інстытута лесу Нацыянальнай акадэміі навук Беларусі Аляксандр Кавалевіч расказаў, што праведзена генетычная пашпартызацыя дуброў рэспублікі. Прычынай пачатку паўсюдных даследаванняў стала праблема ўсыхання каштоўных дрэў.

— Мы вызначылі 14 мацярынскіх ліній беларускіх дубоў. З іх 5 асноўных, унікальных па сваіх генетычных характарыстыках, — патлумачыў Аляксандр Іванавіч. Гэтыя звесткі дапамогуць выбіраць найбольш каштоўны пасадачны матэрыял для закладкі новых лясных насаджэнняў. Выкананая вучонымі праца дапаможа захаваць беларускія дубровы.