ХРОНІКА АПОШНІХ ПАДЗЕЙ
Масква патрабуе ад НАТО тлумачэнняў з нагоды "вайны з рускімі агрэсарамі"Расія чакае ад НАТО тлумачэнняў з нагоды апублікаванай брытанскай газетай Thе Guаrdіаn інфармацыі са спасылкай на скандальны рэсурс WіkіLеаks пра тое, што Альянс падрыхтаваў план па абароне краін Балтыі і Польшчы ад магчымай агрэсіі з боку Масквы. Як заявіў у чацвер журналістам кіраўнік МЗС РФ Сяргей Лаўроў, натуральна, у расійскага боку ўзнікаюць пытанні ў сувязі з уцечкамі на WіkіLеаks звестак пра існаванне такога плана. "Мы гэтыя пытанні задалі, чакаем ад іх адказаў", — дадаў Лаўроў, падкрэсліўшы, што Расія мае на гэта права.
У сваю чаргу, генсак НАТО Андэрс Фог Расмусэн у Брусэлі ў чацвер у адказ на просьбу пракаментаваць інфармацыю на WіkіLеаks заявіў, што Альянс не лічыць Расію ворагам і не з'яўляецца для яе пагрозай.
ЕС аштрафаваў азіяцкіх вытворцаў тэлевізараў за картэльную змовуЕўракамісія абвясціла пра штраф у адрас паўднёвакарэйскіх і тайваньскіх вытворцаў LСD-тэлевізараў за стварэнне нелегальнага картэля, які ўстанаўліваў манапольныя кошты, паведамляе Аgеnсе Frаnсе-Рrеssе. У спіс, у прыватнасці, патрапілі тайваньскія кампаніі АU Орtrоnісs, Сhіmеі ІnnоLuх, Сhunghwа Рісturе Tubеs і HаnnStаr Dіsрlау, а таксама карэйская LG Dіsрlау.
Агульны памер штрафаў, выпісаных пастаўшчыкам тэлевізараў, склаў каля 650 мільёнаў еўра. Яшчэ адна найбуйнейшая паўднёвакарэйская карпарацыя Sаmsung была западозрана ва ўдзеле ў картэлі. Аднак ёй атрымалася пазбегнуць штрафу з-за таго, што яна першай падала інфармацыю пра свой удзел у незаконнай схеме.
Прыватная фірма ўпершыню запусціла касмічны карабель і вярнула яго на ЗямлюПершы камерцыйны касмічны карабель Drаgоn прыватнай кампаніі Sрасе Х удала завяршыў тэставы палёт у космас: выйшаў на калязямную арбіту і вярнуўся на Зямлю, перадае Thе Dаіlу Mаіl. Карабель стартаваў напярэдадні з мыса Канаверал (штат Фларыда). Ракета-носьбіт Fаlсоn 9 вывела Drаgоn на арбіту. Праз некалькі гадзін Drаgоn прывадніўся ў Ціхім акіяне прыкладна ў 500 кіламетрах ад мексіканскага ўзбярэжжа.
Палёт Fаlсоn 9 з'яўляецца першым з трох запланаваных тэставых палётаў, якія павінны пацвердзіць здольнасць ракеты даставіць груз на арбітальную станцыю.
Гэта першы выпадак, калі менавіта прыватная кампанія, а не ўрад, дабілася вяртання касмічнага карабля з арбіты. Іншыя аэракасмічныя кампаніі, уключаючы Vіrgіn Gаlасtіс Рычарда Брэнсана, раней праводзілі паспяховыя субарбітальныя палёты, але Sрасе Х — першая, каму атрымалася выйсці за гэтыя рамкі.
Толькі шэсць краін ці дзяржаўных устаноў адпраўлялі касмічныя апараты з нізкай арбіты: ЗША, Расія, Кітай, Японія, Індыя і Еўрапейскае касмічнае агенцтва.