Лукашэнка чытае «Нашу Ніву»?

Аляксандр Лукашэнка на ўсебеларускім хурале звярнуў увагу на праблему, узнятую ў «НН». І даручыў чыноўнікам яе вырашыць.

Лукашэнка на закрыцці хуралу звярнуў увагу на харчаванне дзяцей у школе. Нагадаем, што ў артыкуле «Сырок разладу» гаварылася пра тое, што рацыён школьнікаў, за харчаванне якіх плаціць дзяржава, адрозніваецца ад тых, хто сталуецца за кошт бацькоў.

Лукашэнку абурыў такі факт. «Гэта дзіка!» — сказаў кіраўнік дзяржавы. Ён запатрабаваў да Новага года вырашыць гэтую праблему, каб не ствараць паміж дзецьмі раслаенне ўжо са школьнай парты.