ХРОНІКА АПОШНІХ ПАДЗЕЙ
Лік ахвяр пахаладання ў Еўропе павялічыўся на 12 чалавек.
Большасць смерцяў зафіксавана ў Польшчы — там рэзкае пахаладанне прывяло да таго, што шматлікія грамадзяне без вызначанага месца жыхарства не змаглі знайсці сабе схованкі і дзесяць з іх змерзлі да смерці на вуліцах. Акрамя таго, паводле інфармацыі партала Gazeta.pl, каля 150 тысяч жыхароў горада Чэстахова (Czestochowіe) засталіся без гарачай вады і ацяплення.
Яшчэ два чалавекі загінулі ў Нямеччыне: 73-гадовы пенсіянер з Ніжняй Саксоніі патрапіў пад цягнік, калі расчышчаў снег, а 18-гадовы падлетак з Бадэн-Вюртэмберга не справіўся з кіраваннем аўтамабіля на слізкай дарозе і сутыкнуўся з грузавіком.
Улады Берліна паспрабавалі палегчыць жыццё бяздомных падчас моцных маразоў і адкрылі для іх на ноч станцыі метро, арганізавалі пункты гарачага харчаванння і размясцілі ў розных раёнах горада аўтобусы, у якіх можна пагрэцца.
Раней паведамлялася пра 15 загінулых у інцыдэнтах, звязаных з умовамі надвор'я. З іх таксама большасць прыйшлася на краіны Цэнтральнай Еўропы (13 чалавек), два смяротныя выпадкі былі зафіксаваныя ў Англіі.
"Забіты" сайт WіkіLeaks ізноў запрацаваў у ШвейцарыіСайт WіkіLeaks, які апублікаваў сакрэтныя дакументы Пентагона і Дзярждэпартамента ЗША, ізноў запрацаваў. Рэсурс, які справакаваў небывалы міжнародны скандал, пераехаў у адрасную прастору Швейцарыі і зараз даступны па новым адрасе wіkіleaks.ch.
Аднак з доступам наведвальнікаў на сайт па новым адрасе перыядычна ўзнікаюць праблемы. Чыннікі пакуль не вядомыя. Паводле адных звестак, рэсурс падвяргаецца новаму DDoS-нападу, іншыя мяркуюць, што сайт проста не спраўляецца з наплывам наведвальнікаў.
Раніцай 3 снежня сайт стаў недаступны па звыклым для яго карыстальнікаў адрасе wіkіleaks.org. У мікраблозе праекта на сайце Twіtter паведамлялася, што дамен wіkіLeaks.org "забіты амерыканскім сэрвісам EveryDNS.net", які прадастаўляе паслугі DNS. Паводле заявы WіkіLeaks, падставай для гэтага сталі DDoS-напады на сайт.
Тым часам амерыканскі сенатар Джо Ліберман, які раней звяртаўся да кампаніі Amazon з запытам пра правамоцтва яе супрацоўніцтва з WіkіLeaks, ужо лабіруе законапраект, які прыраўноўвае да злачынства публікацыю імёнаў крыніц амерыканскіх спецслужбаў. У паведамленні, якім Ліберман анансаваў сваю прапанову, сенатар згадвае і WіkіLeaks.
Калі законапраект стане законам, піша часопіс Wіred, правапарушальнікамі будуць лічыцца не толькі тыя, хто перадаваў дзяржаўныя сакрэты Джуліяну Асанжу, але і сам Асанж і іншыя падобныя публікатары кампрамату.
Віно апярэдзіла золата па інвестыцыйнай прывабнасці
Калекцыйнае віно ў лістападзе расло ў кошце хутчэй, чым нафта і золата. Пра гэта паведамляе The Daіly Telegraph са спасылкай на штомесячную справаздачу Bordeaux Іndex. Кошт як на белыя, так і на чырвоныя віны дарагіх гатункаў, падняўся ў сярэднім на 5 адсоткаў, тады як нафта падаражэла на тры адсоткі, а золата — толькі на два.
Як адзначае брытанскае выданне, рост кошту на віно быў выкліканы павышаным попытам з боку азіяцкага рынка — у першую чаргу, Кітая. Кітайцы палічылі дарагія віны такім жа інвестыцыйным інструментам, як і золата.
Варта адзначыць, што золата ў апошнія два гады з'яўлялася адным з самых прывабных інвестыцыйных тавараў. У параўнанні з дакрызіснымі максімумамі золата вырасла амаль на 30 адсоткаў, тады як большасць актываў яшчэ не дасягнула сваіх коштавых рэкордаў.