ХРОНІКА АПОШНІХ ПАДЗЕЙ
Прэзідэнт Румыніі Траян Бэсеску заявіў, што Малдова можа ўвайсці ў склад яго краіны ў найбліжэйшыя 25 гадоў, пры гэтым мяжа Румыніі (і Еўрасаюза) прайшла б па Днястры. Адпаведную заяву ён зрабіў у інтэрв'ю газеце Rоmаnіа Lіbеrа.
На думку меркавання румынскага лідара, такі ход падзей стаў бы стымулам для далейшай дэмакратызацыі Украіны і імкнення Кіева ў Еўрасаюз. Бэсеску таксама заявіў, што яго краіна ніколі не падпіша дамову пра мяжу з Малдовай, паколькі гэта "ўзаконіла б пакт Молатава-Рыбентропа".
Акрамя таго, прэзідэнт Румыніі заявіў, што не давярае Маскве, паколькі Расія трымае свае войскі ў Прыднястроўі і падоўжыла тэрмін арэнды базы ВМФ у Севастопалі да 2042 года. Пры гэтым у Расіі, лічыць ён, у роўнай ступені няма даверу да Бухарэста. Бэсеску таксама сказаў, што вывад расійскіх войскаў з Прыднястроўя стане пэўным "тэстам", які Масква, з яго пункту гледжання, павінна прайсці.
Як паведамлялася раней, у Бухарэсце практычна не хаваюць жадання далучыць Малдову да Румыніі і абапіраюцца ў гэтым на прыхільнікаў такога аб'яднання ў Кішынёве. Партыі, якія падтрымліваюць такую ідэю, атрымалі большасць на нядаўніх парламенцкіх выбарах у Малдове.
Французскага консула выслалі з Ганконга за крадзеж дзвюх бутэлек вінаГенеральны консул Францыі ў Ганконгу і Макао Марк Фанбасцье быў адхілены ад пасады ў сувязі з дыпламатычным скандалам.
Інцыдэнт адбыўся на мінулым тыдні, аднак інфармацыя пра яго з'явілася ў СМІ толькі цяпер. Пекін запатрабаваў выслаць 46-гадовага дыпламата, абвінаваціўшы яго ў крадзяжы дзвюх бутэлек дарагога віна ў закрытым клубе ў Ганконгу. Кошт бутэлек у прэсе ацанілі ў 50 тысяч ганконгскіх долараў (амаль 6,5 тысячы долараў ЗША).
Паліцыя Ганконга і французскае консульства не пацвердзілі прычыну звальнення Фанбасцье. Раней, аднак, міністэрства замежных спраў Францыі заявіла пра пачатак адміністрацыйнага разгляду ў дачыненні дыпламата.