У Беларусі можа быць устаноўлена крымінальная адказнасць за ўжыванне спартсменамі допінгу

Пра гэта паведамілі БЕЛТА ў прэс-службе Мінюста.

Пытанні прававога рэгулявання адказнасці за ўжыванне спартсменамі допінгу, а таксама схіленне спартсмена трэнерам, урачом або іншай асобай да яго ўжывання абмеркаваныя на пасяджэнні пастаяннай камісіі Нацыянальнага алімпійскага камітэта "Спорт і права", старшынёй якой з'яўляецца міністр юстыцыі Віктар Галаванаў. Членамі камісіі было адзначана, што, напрыклад, у Расіі праводзіцца ўжо работа па замацаванні адказнасці ў Крымінальным кодэксе трэнераў, урачоў або іншых асобаў, якія займаюцца падрыхтоўкай спартсменаў да спаборніцтваў, за прымушэнне выкарыстання допінгавых сродкаў. Крымінальны кодэкс Украіны ўжо змяшчае такую норму. У шэрагу краін крымінальнай адказнасці падлягаюць і самі спартсмены, якія ўжываюць допінг.