Мінская міліцыя папярэджвае апазіцыю аб незаконнасці правядзення несанкцыяніраваных мерапрыемстваў

Паводле існуючай інфармацыі, прадстаўнікі шэрагу апазіцыйных палітычных партый і радыкальных рухаў заклікаюць грамадзян сабрацца 24 лістапада на Кастрычніцкай плошчы ў сталіцы для правядзення масавай акцыі, гаворыцца ў відэазвароце намесніка начальніка ГУУС Мінска — начальніка міліцыі грамадскай бяспекі Ігара Яўсеева, размешчаным на афіцыйным сайце ГУУС, перадае БЕЛТА. "У сувязі з гэтым ГУУС Мінгарвыканкама заяўляе, што гэта мерапрыемства парушае дзеючае заканадаўства Рэспублікі Беларусь, а значыць, яго арганізатары і ўдзельнікі могуць быць прыцягнуты да адміністрацыйнай, а пры пэўных наступствах — і да крымінальнай адказнасці", — адзначаецца ў відэазвароце. Мінская міліцыя гатова забяспечыць правапарадак 24 лістапада ў поўным аб'ёме. Вартавыя парадку будуць дзейнічаць строга ў адпаведнасці з заканадаўствам.