Якая такая Абхазія?

Перад парламентам ніколі не ставілася задача вырашаць пытанне аб прызнанні Абхазіі і Паўднёвай Асеціі, паведаміў журналістам 11 лістапада старшыня камісіі па міжнародных справах і сувязях з СНД Палаты прадстаўнікоў Нацыянальнага сходу Беларусі Сяргей Маскевіч.

«Перад беларускім парламентам не ставілася задача прымаць рашэнне аб прызнанні або непрызнанні незалежнасці Абхазіі і Паўднёвай Асеціі. Мы проста вывучалі гэтае пытанне без прыняцця нават рэкамендацыйнага рашэння», — сказаў ён.

Паводле слоў Маскевіча,

гэтае пытанне знаходзіцца ў кампетэнцыі кіраўніка дзяржавы:

адпаведныя паўнамоцтвы прэзідэнта прадугледжаны Канстытуцыяй краіны.