Пісьменніцы і фотасесія

Прыгожыя ў нас пісьменніцы. Але ж яшчэ і разумныя. Пра гэта іх патэнцыйны чытач павінен падумаць пасля таго, як спачатку іх пабачыць. Можа, тады возьме ў рукі кнігі, параіць іх (кнігі) сваім сябрам і знаёмым. Пасля даволі адкрытага календара з аголенымі пісьменнікамі, які пабачыў свет напрыканцы мінулага года, прыйшоў час календара жаночага, пагалоска пра які ўжо пайшла ў народ. А некаторыя пісьменніцы, паэткі, аўтары п'ес нават выставілі свае здымкі з фотасесіі ў сацыяльныя сеткі. Ім няма чаго хаваць! Ім ёсць чым ганарыцца.

Чым могуць ганарыцца ўдзельніцы календара і чаму некаторыя наогул не прымаюць гэтую ідэю? Да гэтай тэмы наша газета звернецца ў адным з наступных нумароў ў аўтарскай рубрыцы Ганны Кісліцынай "Дзённік бландзінкі".