Анішчанка наведае Беларусь, каб абмеркаваць санітарны кантроль

Галоўны дзяржаўны санітарны доктар РФ Генадзь Анішчанка наведае Беларусь, каб абмеркаваць пытанні санітарнага кантролю ў рамках Мытнага саюза.

Паводле Анішчанкі, у рамках візіту будуць абмяркоўвацца пытанні, звязаныя з рэгуляваннем і шэрагам патрабаванняў, «у рамках допуску на адзіную мытную тэрыторыю тавараў з-за мяжы, як з далёкага, так і з блізкага замежжа».

Акрамя таго, паводле яго слоў, запланавана сустрэча з прадстаўнікамі малочных прадпрыемстваў Беларусі, каб абмеркаваць шэраг пытанняў, перадае Радыё Рацыя са спасылкай на АФН.