Персідскі леапард з Украіны пасяліўся ў Гродзенскім заапарку

Персідскі леапард з Украіны пасяліўся ў Гродзенскім заапарку, паведамілі карэспандэнту БЕЛТА ў дырэкцыі заапарка.

Леапарда прывезлі 13 кастрычніка з украінскага горада Роўна ў пару 14-гадовай самцы Тайне. "Жаніху" 3 гады. У заапарку спадзяюцца на з'яўленне ў будучым у пары сумеснага патомства, аднак ці прыме сябра самка, якая прывыкла да адзіноты, пакуль невядома. Адміністрацыя заасада штогод стараецца пашыраць разнастайнасць жывёл. У гэтым годзе таксама былі набыты пума, далёкаўсходнія кошкі. Усяго ў старэйшым заапарку Беларусі больш як 3,4 тыс. жывёл 312 відаў.