АБЗАЦ

У Беларусі 2185 татаў знаходзяцца ў водпуску па доглядзе дзіцяці ва ўзросце да 3 гадоў.

П'яны мінчанін "замініраваў" сталічны заапарк. Справа аб заведама непраўдзівым паведамленні пра небяспеку распачатая ў дачыненні да 32-гадовага непрацуючага мінчаніна. Устаноўлена, што 12 кастрычніка менавіта гэты чалавек у стане алкагольнага ап'янення патэлефанаваў у міліцыю і паведаміў пра мініраванне мінскага заапарка. Падчас абследавання тэрыторыі сапёрамі ніякіх выбуховых прадметаў знойдзена не было. "Мінёр" затрыманы.

У аварыю трапіла машына... без вадзіцеля. Аўтамабіль "Мерсэдэс" самастойна з'ехаў са стаянкі на вуліцы Старажоўскай, выехаў на праезную частку, ускочыў на бардзюр і... павіс на камені. Кіроўцы, якія сталі сведкамі самастойнага жыцця легкавушкі, выклікалі супрацоўнікаў ДАІ. Высветлілася, што "Мерсэдэс" належыць 32-гадовай бландзінцы з Дзяржынска. Паставіўшы машыну пад горку, яна, магчыма, не зацягнула ручны тормаз, а сама пайшла па сваіх справах. Супрацоўнікам ДАІ давялося ісці на яе пошукі.