Ацяпленне ва

паведаміў 12 кастрычніка на пасяджэнні прэзідыума Саўміна міністр жыллёва-камунальнай гаспадаркі Уладзімір Белахвостаў.

Паводле яго слоў,

на 12 кастрычніка ацяпленне не падключана ў 69 дамах

(у 56 дамах у Мінскай вобласці, у шасці — у Гомельскай, у сямі — у Мінску). Прычына — завяршэнне рамонтных работ на цеплавых сетках. «12–15 кастрычніка ўсе дамы будуць падключаны», — запэўніў міністр.

Што тычыцца падрыхтоўкі прадпрыемстваў ЖКГ да ацяпляльнага сезона, Белахвостаў адзначыў, што выкананы заданні па стварэнні запасаў топачнага мазуту і замене цеплавых сетак. Ён падкрэсліў, што штогадовая чаканая эканомія ад замены цеплавых сетак складзе 99 тыс. тон умоўнага паліва, ці 39,6 млрд рублёў.

«Яшчэ тры гады такой працы, не змяншаючы тэмпаў, і мы выйдзем на нарматыўныя страты ў цеплавых сетках сістэмы Міністэрства ЖКГ», — перакананы Белахвостаў.

Ён адзначыў, што ў мэтах падрыхтоўкі да восеньска-зімовага перыяду арганізацыі ЖКГ закуплялі драўнянае паліва. За дзевяць месяцаў года яны набылі ў арганізацыях лясной гаспадаркі драўнянага паліва і дроў на 35 млрд. рублёў. Пры гэтым узнікла пратэрмінаваная запазычанасць у 3 млрд. рублёў. Аднак, паводле меркавання Белахвостава, гэта не крытычная запазычанасць. «Лічу, гэтае пытанне малаважнае, каб на ім акцэнтаваць увагу», — сказаў міністр.

У цэлым ён высока ацаніў гатоўнасць прадпрыемстваў і арганізацый ЖКГ да восеньска-зімовага перыяду.