На суд над пісьменнікам Міхасём Башурам прыйшлі каля 30 чалавек

Сёння ў судзе Савецкага раёна Мінска пачынаецца суд над актывістам кампаніі «Гавары праўду» Міхасём Башурам. Яго падазраюць у падробцы дакументаў (завышэнне заробку ў даведцы, каб атрымаць крэдыт банку).

Башуру пагражае да 5 гадоў абмежавання волі.

Міхась Башура знаходзіцца пад арыштам 8 жніўня.

На суд прыйшлі каля 30 чалавек, у тым ліку лідар кампаніі «Гавары праўду!», патэнцыйны кандыдат у прэзідэнты Уладзімір Някляеў, кіраўнік штаба Андрэй Дзмітрыеў, кіраўнік выдавецтва «Галіяфы» Зміцер Вішнеў.

Прывезлі Башуру. Слуханні перанеслі на 2-гі паверх, там зала сярэдняй умяшчальнасці.