Анатоль Сідарэвіч абраны старшынём БСДП (Грамада)

Грамадскі дзеяч і гісторык, ужо былы намеснік старшыні Анатоль Сідарэвіч абраны старшынём Беларускай сацыял-дэмакратычнай партыі (Грамада), ХІІІ з’езд якой прайшоў у нядзелю, 10 кастрычніка, у Мінску.

Удзел у галасаванні бралі 70 чалавек. На пасаду старшыні, апроч Анатоля Сідарэвіча, прэтэндавалі намеснік старшыні партыі генерал Валер Фралоў і старшыні уздзенскай суполкі Віктар Крываль.

За кандыдатуру А. Сідарэвіча прагаласавалі 35 чалавек (супраць — 33), за Фралова — 10 (супраць — 57), за Крываля — 7 (супраць — 61).

Старшыня з’езда Алег Трусаў, віншуючы сп. Сідарэвіча з абраннем на пасаду, зазначыў: «Віншую з прызначэннем і раю падчас старшынства забыцца на свой кепскі характар».

Разам з тым былы старшыня партыі Анатоль Ляўковіч заявіў, што не прызнае вынікаў з’езда і будзе працягваць сваю дзейнасць як старшыня партыі.

«Гэты з’езд арганізаваў беспартыйны чалавек, і ён не мае права прадстаўляць арганізацыю», сказаў Ляўковіч, дадаўшы, што каб Анатоль Сідарэвіч, што ён вяртаецца ў шэрагі партыі, то пярэчанняў гэта б не выклікала.

Ляўковіч пакінуў з’езд.

З’езд працягвае працу, на пасаду першага намесніка прэтэндуюць Ігар Макоўскі, Валер Фралоў і Ірына Вештард.