Вы не выйгралі ў розыгрышы, але дапамаглі іншым

Дарагая рэдакцыя! Адкажыце мне, калі ласка, праз газету: дзе мне праверыць латарэйны білет "Міласэрнасць" ад 26 жніўня? Розыгрыш адбыўся, а я не магу праверыць вынік. Начальнік аддзела давала мне табліцу, але я не разабраўся ў ёй.

Заснавальнікам рэспубліканскай тыражнай пасіўнай латарэі "Міласэрнасць" з'яўляецца Міністэрства працы і сацыяльнай абароны. Розыгрышы прызавога фонду тыражоў латарэі праводзяцца не радзей за два разы ў год. Мэтамі правядзення латарэі з'яўляюцца, у прыватнасці, закупка спартыўнага рыштунку і абсталявання, спартыўнай формы, трэнажораў, медыцынскага абсталявання для стацыянарных устаноў сацыяльнага абслугоўвання, рэспубліканскага цэнтра для дзяцей-інвалідаў, дзяржаўных устаноў: "Рэспубліканскага санаторыя "Белая вежа" для ветэранаў вайны, працы і інвалідаў", "Рэспубліканскага санаторыя "Бярэзіна" для ветэранаў вайны, працы і інвалідаў", "Рэспубліканскага санаторыя "Вяжуці" для інвалідаў з парушэннямі апорна-рухальнага апарату", "Рэспубліканскага санаторыя "Ясельда" для ветэранаў вайны, працы і інвалідаў".

Так што, Мікалай Мікалаевіч, не засмучайцеся, што вам не пашчасціла на гэты раз (мы праверылі ваш білет па пакінутым яго нумары і серыі): ваш грашовы ўклад пайшоў на добрую справу. А самастойна праверыць вынікі розыгрышу пры жаданні вы можаце, напрыклад, на сайце па адрасе: belloto.by\tіraz-loto\mіlaserdnast (дастаткова ўвесці вышэйназваныя нумар і серыю білета).