Zамор'е
Выратаванне шахцёраў працягваеццаДа месца выратавальных работ на шахце "Сан-Эстэбан", дзе пасля аварыі 5 жніўня на глыбіні 700 метраў апынуліся заблакаванымі 33 гарнякі, дастаўлена спецыяльна зробленая выратавальная капсула "Фенікс". У ёй шахцёраў будуць падымаць на паверхню. Капсула дыяметрам 50 сантыметраў мае кіслароднае абсталяванне і разлічана на знаходжанне ў ёй чалавека на працягу паўтары гадзіны. Разліковы час пад'ёму шахцёра на паверхню — 20—30 хвілін.
У цяперашні час буравая ўстаноўка Strata 950 робіць бурэнне свідравіны трыма бурамі — яны рухаюцца адзін за адным, пашыраючы адтуліну. У суботу раніцай першы бур знаходзіўся на глыбіні 442 метры, другі — 175 метраў і трэці, які свідруе адтуліну для выратавальнай капсулы, паглыбіўся ў зямлю на 62 метры. Па прагнозах спецыялістаў, да выратавання гарнякоў можна будзе прыступіць у першы тыдзень лістапада.
Парад караблёў
Saіl Amsterdam (saіl — анг. ветразь, судна з ветразем) праходзіць у сталіцы Нідэрландаў раз у пяць гадоў. На рускай гэтую падзею звычайна завуць Парадам Яхтаў, што зусім не адлюстроўвае яго сутнасці. Парад Яхтаў — гэта, хутчэй, штодзённая мітусня ў портах Манака і Сан Трапэ. На Amsterdam Saіl — іншая атмасфера. Тут вы не ўбачыце беласнежных яхтаў алігархаў, але найпрыгажэйшыя паруснікі з больш як дзясятка краін з лішкам папоўняць гэты прабел. Да таго ж, некалі вялікія маракі прыходзяць у порт на сваіх лодках. Як заўсёды, усё вельмі весела і захапляльна.
Saіl 2010 — самае буйнае публічнае мерапрыемства ў каралеўстве. За некалькі дзён, з 19 па 23 жніўня, яго наведала больш за паўтара мільёна чалавек. Упершыню свята было арганізавана ў 1975-м, калі ў рамках святкавання 700-годдзя Амстэрдама ў яго порт прыйшлі дзясяткі найбуйнейшых паруснікаў. Мерапрыемства атрымалася настолькі ўдалым, што яго вырашылі правесці зноў праз пяць гадоў. Такі вялікі тэрмін, мабыць патрэбен на арганізацыю і падрыхтоўку. Гэтым разам у амстэрдамскую гавань Эй прыйшло каля 600 судоў розных канфігурацый, ад велізарных ваенных караблёў да больш сціплых па памерах копій гістарычных фрэгатаў. Але галоўнай выбітнасцю, вядома, было 20 найбуйнейшых паруснікаў, амаль усе з еўрапейскіх краін, за выключэннем Інданезіі і Амана.