Арол каля музея

На пляцоўцы каля Слонімскага раённага краязнаўчага музея імя Язэпа Стаброўскага з'явіўся помнік арлу.

Па словах дырэктара музея Наталлі Рыжак, яго музею падаравала адно з прадпрыемстваў Слоніма.

"Мы арла паставілі каля музея для таго, каб людзі звярнулі ўвагу, што побач з помнікам знаходзіцца наш музей, у якім, акрамя гістарычных экспанатаў, ёсць і зала прыроды, дзе можна ўбачыць разнастайную фаўну і флору. У перспектыве мы плануем яшчэ паставіць каля музея некалькі арыгінальных помнікаў, звязаных з нашай гісторыяй, а таксама з сялянскім побытам", — сказала журналісту Наталля Рыжак.

Сяргей ЧЫГРЫН.