ХРОНІКА АПОШНІХ ПАДЗЕЙ
Акрэдытацыйная камісія пры Росаховакультуры выбрала Расійскі саюз праваўладальнікаў, заснаваны рэжысёрам Мікітам Міхалковым, у якасці арганізацыі, якая атрымае права спаганяць і размяркоўваць паміж аўтарамі грошы, атрыманыя ад імпарцёраў носьбітаў інфармацыі і электроннай тэхнікі.
Аўтары, выканаўцы і вытворцы музыкі або фільмаў маюць права атрымліваць збор за прайграванне іх твораў у асабістых мэтах. Для гэтага і былі прыдуманыя зборы з імпарцёраў — як мабільных тэлефонаў, камп'ютараў і лічбавых камер, так і з дыскаў, флэш-карт і іншых носьбітаў інфармацыі. Колькі менавіта павінны будуць плаціць імпарцёры, пакуль невядома. Абмяркоўвалася стаўка ў адзін працэнт з абсталявання і тры працэнты — з носьбітаў. Пры такіх стаўках узровень збораў можа дасягнуць ста мільёнаў долараў у год.
Біл Гейтс пазбавіў дзяцей спадчыныАдзін з найбагацейшых людзей планеты, заснавальнік кампаніі Mіcrosoft Біл Гейтс адмаўляецца пакінуць свае грошы сваім дзецям. Як выказаўся мільярдэр, яго нашчадкам капіталы не прынясуць карысць.
У Біла і Мелінды Гейтс трое дзяцей: 14-гадовая Джэніфер, 11-гадовы Роры і васьмігадовая Фібі. Паводле слоў бізнэсмена, ён аддасць сваім дзецям частку грошай, але гэтая сума не будзе значнай доляй яго багацця. Як лічыць Гейтс, яго дзеці павінны працаваць і самі дабівацца поспеху, але пры гэтым адчуваць бацькоўскі клопат. Сам мільярдэр вось ужо два гады як пакінуў штодзённую працу ў Mіcrosoft для таго, каб заняцца дабрачыннай дзейнасцю. Разам са сваёй жонкай ён арганізаваў фонд па барацьбе з хваробамі і голадам у краінах трэцяга свету.
Школьнікаў абавязалі плаціць за спазненніШкола ў Солт-Лейк-Сіці, штат Юта, увяла грашовыя штрафы для вучняў, якія спазняюцца.
Спазненне на ўрок абыдзецца школьніку ў пяць долараў. У выпадку, калі навучэнец не можа або не хоча плаціць штраф, яму прыйдзецца адседзець прымусовую паўгадзінную "прадоўжанку" па заканчэнні вучэбнага дня. Калі педагог палічыць прычыну спазнення вучня досыць уважлівай, ён мае права не караць дзіця, якое правінілася. Адзначаецца, што грошы, якія спаганяюць з прагульшчыкаў, будуць размяркоўвацца паміж настаўнікамі, вымушанымі заставацца пасля ўрокаў з пакаранымі вучнямі.