ХРОНІКА АПОШНІХ ПАДЗЕЙ

Заходняя прэса склала спіс "зорак", якім пара на спачынак: у спіс патрапіў і Уладзімір Пуцін

Падставай да складання такога спісу надакучыўшых знакамітасцяў сталі не піяр-акцыі палітыкаў, а з'яўленне 64-гадовай спявачкі Шэр у неверагодна адкрытым уборы на ўручэнні ўзнагарод MTV.

Расійскі прэм'ер-міністр Уладзімір Пуцін таксама патрапіў у спіс публічных асобаў, якім, на думку The Washіngton Post, ужо пара адысці ад успышак фотакамер на спачынак у глухую вёску. "Экс-прэзідэнт, а цяпер прэм'ер-міністр Расіі, любіць з'яўляцца на публіцы. Ён паказаў нам свае мускулы. Мы бачылі, як ён займаецца дзюдо, палюе на кітоў і ездзіць на Harley. Магчыма, былому супрацоўніку КДБ, які калісьці заявіў, што сталінскія рэпрэсіі бляднеюць у параўнанні з атамнымі бамбардзіроўкамі Хірасімы і Нагасакі, пара адысці на спачынак на яго дачу", — цытуе аўтараў артыкула ІnoPressa. Паўночнакарэйскаму лідару Кім Чэн Іру, на думку выдання, і зусім даўным-даўно пара на пенсію — у дом для састарэлых у Пхеньяне. Яго ўжо гатовае змяніць маладое пакаленне. У лік патэнцыйных пенсіянераў патрапілі таксама Дональд Трамп і Мік Джагер. Ад іх эпатажных выхадак і голых торсаў прэса ўжо стамілася, упэўненыя амерыканскія журналісты.

Прэзідэнт Назарбаеў паабяцаў кіраваць Казахстанам мінімум да 2020 года

Прэзідэнт Казахстана Нурсултан Назарбаеў збіраецца не проста балатавацца ў прэзідэнты ў 2012 годзе, але і застацца ва ўладзе як мінімум да 2020 года, гэта значыць яшчэ на працягу дзесяці гадоў. Пра гэта паведаміў агенцтву Reuters саветнік кіраўніка дзяржавы па палітычных пытаннях Ермухамет Ертысбаеў. У 2012 годзе Назарбаеў мае намер выступіць у якасці кандыдата ў прэзідэнты ў чацвёрты раз за сваю палітычную кар'еру. Паводле слоў Ертысбаева, цяперашні лідар краіны не бачыць сур'ёзных супернікаў, якія маглі б перашкодзіць яму зноў застацца кіраўніком дзяржавы, а таксама не бачыць унутраных пагроз сістэме, створанай ім. Саветнік нагадаў, што Назарбаеў, згодна з папраўкамі, унесенымі ў 2007 годзе ў Канстытуцыю, мае права неабмежаваную колькасць разоў вылучаць сваю кандыдатуру на выбарах.

Цана кахання — два блізкія сябры

Набываючы каханне, чалавек страчвае ў сярэднім да двух сяброў, паказалі даследаванні. Такія высновы (пра іх піша ў чацвер BBC) зрабілі навукоўцы з Оксфардскага ўніверсітэта, якія папрасілі 540 чалавек ва ўзросце пасля 18 гадоў ацаніць, як змянілася колькасць іх сяброў падчас пачатку чарговага рамана.

Высветлілася, што людзі маюць у сярэднім да пяці блізкіх сяброў, а ў выпадку з'яўлення палюбоўніка гэта колькасць змяншалася на два.

"Закаханыя замест пяці сяброў у сярэднім называлі толькі чатырох. Улічваючы, што адзін з іх — навічок, які ўвайшоў у ваша жыццё, гэта значыць, што вам прыйшлося адмовіцца ад двух іншых", — тлумачыць прафесар эвалюцыйнай антрапалогіі Робін Данбар.

RUE можа сарваць ацяпляльны сезон на Украіне: газ прададуць за мяжу

Уладальнік RosUkrEnergo Дзмітрый Фірташ можа сарваць ацяпляльны сезон ва Украіне. Кампанія прадпрымальніка Emfesz будзе будаваць у Венгрыі электрастанцыю, а газ будзе браць з украінскага сховішча, паведамляе партал NEWSru.ua. На гэтым прадпрымальнік зможа зарабіць на 3 млрд долараў больш, чым ад продажу газу ва Украіне. У "Нафтагаза" ў гэтым выпадку ўзнікнуць праблемы з праходжаннем ацяпляльнага сезону, упэўненыя эксперты. Недастатковыя аб'ёмы давядзецца дакупляць у "Газпрама", каб паставіць іх на ўнутраны рынак. Гэта нявыгадна "Нафтагазу", асабліва з улікам таго, што ў наступным годзе цэны на газ павінны вырасці.

Скандал з Лужковым можа прывесці да краху палітычнай кар'еры Мядзведзева

Газета Dіe Zeіt упэўненая, што нападкі на Лужкова СМІ робяць па заказе прэзідэнта Мядзведзева ў рамках яго барацьбы за ўладу з прэм'ерам Пуціным. Як лічыць выданне, сітуацыя з Лужковым можа выліцца ў адкрытую барацьбу паміж Пуціным і Мядзведзевым, прыкметы якой эксперты адзначалі і да скандалу з мэрам.

Ад зыходу скандалу вакол мэра Масквы Юрыя Лужкова залежыць палітычная будучыня прэзідэнта РФ Дзмітрыя Мядзведзева, таксама лічаць заходнія СМІ. На думку аналітыкаў, калі Лужкоў застанецца ў крэсле сталічнага граданачальніка, стане відавочнай непераканаўчасць Мядзведзева, і ён пазбавіцца шанцаў на перавыбранне ў 2012 годзе.