ХРОНІКА АПОШНІХ ПАДЗЕЙ
Пасажырскі самалёт Ту-154 авіякампаніі "Алроса", які ляцеў з Якуціі ў Маскву, раніцай 7 верасня здзейсніў аварыйную пасадку на вайсковым аэрадроме ў Комі.
На борце паветранага судна знаходзіліся дзевяць членаў экіпажу і 72 пасажыры, у тым ліку дзеці. Пасля вылету з аэрапорта "Палярны" у Якуціі на вышыні больш за 10 кіламетраў на борце самалёта адмовіла сістэма электрасілкавання, а таксама абсталяванне навігацыі і радыёсувязі. Пасля зніжэння высветлілася, што расходны паліўны бак перастаў напаўняцца з-за адмовы электрапомпаў. Аварыйная пасадка была зроблена на паласу вайсковага аэрадрома ў Іжме, не прыстасаваную для цяжкіх паветраных суднаў. Па словах членаў экіпажу, гэтая паласа выкарыстоўваецца як верталётная пляцоўка. Акрамя таго, з-за адмовы электрапрывадаў не былі выпушчаныя перадкрылкі і закрылкі лайнера, з-за чаго пасадку прыйшлося праводзіць на павышанай хуткасці. Тым не менш, ніхто не пацярпеў, а самалёт атрымаў толькі нязначныя пашкоджанні. З-за недахопу месцаў у гасцініцы пасажыраў размясцілі ў мясцовым спарткомплексе.
Забастоўка у Францыі сабрала 2,5 мільёна чалавекУ другі дзень агульнанацыянальнай забастоўкі, пачатай у Францыі 6 верасня, пратэстуючым удалося вывесці на вуліцы па ўсёй краіне 2,5 мільёна чалавек.
Афіцыйныя ацэнкі колькасці забастоўшчыкаў былі істотна больш сціплымі, чым у прафсаюзаў.
Прайшоўшыя выступленні павінны былі выліцца ў адмену ў краіне паловы рэйсаў на чыгунцы, скарачэнне каля 25 % авіярэйсаў міжнародных перавозчыкаў у Парыжы, а таксама сур'ёзна ўскладніць працу парыжскага метро. Прычынай забастоўкі стаў план урада краіны павялічыць пенсійны ўзрост з 60 да 62 гадоў. Французскі прэзідэнт Нікаля Сарказі заяўляў, што лічыць пенсійны законапраект "абсалютным прыярытэтам", нягледзячы на тое, што ён быў негатыўна сустрэты лідэрамі прафсаюзаў.
Мядзведзь збіраецца ў прэм'еры ЛатвііНа пост прэм'ер-міністра Латвіі вылучаны незвычайны кандыдат. Гэта белы паралонавы мядзведзь, якога Апошняя партыя прапаноўвае зрабіць кіраўніком кабінета міністраў краіны.
"Апошняя партыя ў якасці свайго кандыдата на пост прэм'ер-міністра Латвіі высунула Мядзведзя шчасця, персанажа п'есы Андрэя Упітса (вядомы латышскі пісьменнік)", — сказаў старшыня партыі Гінтс Кнокс. Палітык дадаў, што мядзведзь — "шырока вядомая культурная асоба, якая дала адукацыю некалькім пакаленням латвійцаў". Прадстаўнікі партыі ўжо зрабілі з паралону двухметровую постаць Мядзведзя шчасця і спадзяюцца, што выбаршчыкі яго падтрымаюць. Мяркуецца, што ў адкрыты рот клышаногага выбаршчыкі будуць кідаць пажаданні, якія ён "прыме блізка да сэрца". Цэнтральная выбарчая камісіі Латвіі пакуль ніяк не пракаментавала кандыдатуру паралонавага мядзведзя. Самі жа выбары ў Сойм Латвіі пройдуць у рэспубліцы 2 кастрычніка.
Апошняя партыя была заснаваная ў чэрвені 2010 года, каб выкрываць папулізм палітычных сіл, якія змешчаныя ва ўладзе. У якасці дэвізу члены партыі абралі распаўсюджаны адказ на пытанне аб палітычных перавагах — "Не ведаю, не вырашыў".
Маскоўскі службовец паабяцаў зачыніць станцыю "Беларуская"Кіраўнік дэпартамента транспарту і сувязі горада Масква Васіль Кічэджы расказаў журналістам аб магчымым зачыненні станцыі Маскоўскага метрапалітэна "Беларуская" — як Кольцавай, так і Замаскварэцкай лініі, паведамляе РІА Навіны. З чым звязаныя такія планы, службовец не патлумачыў.
Паводле слоў Кічэджы, нічога сакрэтнага ў магчымым зачыненні няма: "Выпусцім пастанову ўрада, вы аб усім даведаецеся". Службовец удакладніў, што станцыя можа быць зачыненая ў 2011 годзе, аднак не растлумачыў, на які тэрмін. Пераход паміж радыяльнай і кольцавай станцыямі "Беларуская" зачынены з мая 2010 гады. Гэта было зроблена для замены эскалатараў. Чакаецца, што пераход адкрыецца зноў да канца года. Акрамя гэтага, раней паведамлялася, што "Беларускую" плануецца абсталяваць датчыкамі радыёхімічнага кантролю.