Журналіст Алег Бебенін знойдзены мёртвым у сябе на лецішчы

Алег Бебенін быў заснавальнікам і кіраўніком сайта charter97.org. Цела Алега Бебеніна знайшлі сёння ў 17.30 на яго дачы пад Менскам.

Алег Бебенін нарадзіўся ў 1974 годзе. Скончыў факультэт журналістыкі Беларускага дзяржаўнага універсітэта. У 1990-х гадах працаваў намеснікам галоўнага рэдактара незалежнай беларускай газэты «Імя». З 1998 года быў заснавальнікам і кіраўніком сайта charter97.org. У Алега Бебенина засталіся жонка і двое сыноў.