Індыйская кухня

Дзень індыйскай кухні, што святкаваўся 17 жніўня ў рэстаране Taj, меў сваёй мэтай не толькі прадэманстраваць усё багацце індыйскай кухні, але і святкаванне Дня Незалежнасці Індыі (15 ліпеня).

Само афармленне рэстарана і ў звычайныя дні адразу пераносіць наведвальнікаў у атмасферу Індыі, а ў гонар Дня Незалежнасці падабенства стала поўным. Тым больш што праводзілася свята ў рамках конкурсу «Прадукт года — 2010». Індыйская кухня — трэцяя па папулярнасці ў свеце: тут і вострыя, і салодкія блюда, і прасмажаныя спецыі, і нацыянальны хлеб, што вырабляецца адразу тут. Спецыяльна для захавання аўтэнтыкі, ў рэстаране ўсталявана традыцыйная індыйская печ «тандур». Галоўны жа сакрэт індыйскай кухні, па словах супрацоўнікаў «Таджа» гэта тыя эмоцыі, якія ўкладае повар у сваю працу — менавіта ад іх залежыць якасць і смак гатовага блюда. Тое ж самае растлумачыў і прысутны на свяце паўнамоцны амбасадар Індыі Рамеш Чандэр. Адміністрацыя рэстарана прапанавала майстэр-клас па прыгатаванні індыйскіх блюд, якія аднак не вельмі проста прыгатаваць дома — інгыдыенты вельмі спецыфічныя, кшталту, хатняга сыру Панір, які робяць у самім рэстаране. Паколькі пісаць і чытаць пра смак ежы — рэч амаль бессэнсоўная, «НН» прапануе вам паспрабаваць самастойна прыгатаваць некаторыя індыйскія блюда.

Бульбяны суп па-індыйску.

Што трэба ўзяць:

Вада — 800 грамаў

Бульба — 4 штукі

Сметанкова масла — 3 лыжкі

Рэпчатая цыбуля — 2 штукі

Морква — 2 штукі

Кетчуп — 3 лыжкі

Соль — палова гарбатнай лыжкі

Молаты чорны перац — чвэрць гарбатнай лыжкі

Нацерты сыр — 3 гарбатныя лыжкі

Бульбу трэба зварыць і прапусціць праз сіта, альбо зрабіць пюрэ, паступова развесці кіпнем. Растапіць масла і абсмажыць цыбулю і моркву да з’яўлення карычневай скарыначкі, злучыць з супам (пюрэ). Дадаць кетчуп, соль, перац і зноў варыць 5–10 хвілін. Гатовы суп пасыпаць сырам.

Бараніна, запечаная ў віне.

Бараніна — 8 кавалкаў (на чатыры персоны)

Чыроване віно — 2 лыжкі

Соль — 1 гарбатная лыжка

Вада — 8 лыжак

Расліннае масла — 1 лыжка

Лімонны сок — 2 лыжкі

Па вялікай шчапотцы парашку імбіру і часныку, сумесі вострых прыправаў і чорнага перцу.

Зрэжце з бараніны залішні тлушч, прамыйце яе і абсушыце ручніком. Цягам трыццаці хвілін амарынуйце бараніну ў лімонным соку з вострымі прыправамі. Пракаліце кожны кавалак бараніны некалькі разоў відэльцам і пакладзіце ў вогнеўстойлівы посуд. Зверху налейце змяшанага з вадой віна і дадайце расліннага масла.

Змясціце бараніну ў духоўку, нагрэтую да 230 градусаў, і гатуйце цягам 1,5 гадзін.

У якасці гарніру рэкамендаваны рыс і салата