Чыноўнікі пачнуць адказваць па-беларуску

У парламенце ідзе праца над законапраектам, прысвечаным зваротам грамадзян і юрыдычных асобаў. Адно з пытанняў, якое ў ім разглядаецца, — мова адказаў на такія звароты.

— У нас у краіне дзве дзяржаўныя мовы, — цытуе словы дэпутат парламента Яўгена Мельнікава «Звязда», — і мы ўсё ж прыйшлі да такога меркавання, і будзем яго прытрымлівацца, — даваць адказ на мове звароту. Калі ён на беларускай мове, значыць, адпаведна адказваць па-беларуску, калі на расейскай — значыць, па-расейску».