Зэльва: шыльду Ларысе Геніюш сарвалі са сцяны

У Зэльве, на доме, у якім жыла Ларыса Геніюш, мясцовыя ўлады знялі памятную шыльду паэтцы, усталяваную да яе 100-годдзя.

Пра гэта паведаміла цяперашняя гаспадыня будынку. Паводле яе словаў, дошку знялі пасля таго, як яе ўбачыў чыноўнік райвыканкама Юры Кулікоў, які адказвае за ідэалогію.

Паводле словаў Кулікова, улады маюць намер "даць прававую ацэнку" несанкцыянаванаму ўсталяванню. Дзе цяпер знаходзіцца шыльда, невядома.