На Камароўскім рынку ўвялі абмежаванні на гандаль ежай

З-за спякотнага надвор'я на Камароўскім рынку сталіцы ўвялі абмежаванні на гандаль харчовымі прадуктамі. Пакуль што гэтая мера датычыць толькі гандлю рыбай на сезонным рынку, на вуліцы. Пра гэта Еўрарадыё паведаміў прадстаўнік адміністрацыі рынку Уладзімір Каваленка:

Каваленка: "Уводзяцца абмежаванні пакуль на рыбу, якая на вуліцы... Там тэмпературны рэжым не могуць вытрымаць халадзільнікі. Рыбу тут, на "сезонцы", можаце купіць да 11 гадзінаў або пасля 16".

Па словах сп. Каваленкі, абмежаванне на гандаль іншымі пардуктамі пакуль не ўведзенае.