Сапраўдная беларуская кухня: Кальрабі звычайным спосабам

Некалькі штук кальрабі, 1 лыжка масла, соль, 1 лыжка мукі або цёртых сухароў, трохі булёну.

Абабраць і прамыць кальрабі, нарэзаць кубікамі і адварыць у падсоленай вадзе. Адцадзіць, палажыць у рондаль, заліць булёнам, каб закрываў гародніну, да смаку пасаліць, дадаць масла і тушыць да мяккасці. Пры канцы пакласці муку або цёртыя сухары, перамяшаць, яшчэ раз закіпяціць і падаць на паўміску, абклаўшы катлетамі з ялавічыны, скрылікамі вымя, або печані, або грэнкамі.

З кнігі В. Завадскай «Літоўская кухарка», 1854 г.

Падрыхтавала НБ