У цэнтры Магілёва загарэўся аўтобус (відэа)

Аўтобус гарэў доўга і ярка, цешачы відовішчам выпадковых мінакоў. Адзін раз усярэдзіне нават нешта выбухнула (мяркуецца, каністра). У гэты ж час у небяспечнай блізкасці з падпаленым аўтобусам праходзілі і нават спыняліся на светлафоры рэйсавыя аўтобусы, бітма напоўненыя людзьмі.

Супрацоўнікі службы МНС прыбылі на месца здарэння, калі ратаваць аўтобус было ўжо позна. Тым не менш, паказаўшы вывучку і прафесіяналізм, пажарнікі хутка пагасілі аўтобус.