Быць беларусам: Алесь Грыцанаў

Цягам траўня штодня на партале TUT.BY вядомыя асобы распавядаюць пра тое, што значыць для іх быць беларусам. Гэта супольны праект TUT.BY і сайта BUDZMA.ORG.

Сёння прапануем вашай увазе анкету выкладчыка і філосафа Алеся Грыцанава.

 

– Быць беларусам – гэта не толькi i не столькi добра разумець тых, хто размаўляе на матчынай мове (а таксама па-расійску, па-польску i па-ангельску), але яшчэ i змагацца за гонар нашае зямлi. Дзеля гэтага ствараць рэчы (найперш у сэнсе творчасцi) сусветнай якасцi.
 

Калi Беларусь паўстане сапраўды незалежнай, нам трэба будзе паказаць сусвету нешта яшчэ, акрамя мовы. Нешта еўрапейскага гатунку, сусветнай якасцi: дзеля гэтага нашае аб’яднанне – Мінскае фiласофскае кола – зрабiла ўжо 12 энцыклапедый без усялякай падтрымкi ад дзяржавы (ратуй Бог) i ад сучасных "нацыянальных колаў" (цяпер амаль тое ж самае варта сказаць i пра iх).

 

 

– Гатоўнасць шмат часу трываць не надта моцныя здзекi, але ў выпадку пераходу катам нейкай мяжы – выбухнуць паўстаннем.

 

Абыякавасць да пытанняў "чысцiнi крывi", абы суседзi не перашкаджалi жыць. Павага да працы пры нейкай пагардзе да сапраўднай адукацыi.

 

– Назавіце тры-пяць асноўных падзеяў з гісторыі Беларусі, без ведання якіх беларус – не беларус.

 

– Жыццё Еўфрасiннi Полацкай, Грунвальд, Орша, паўстанне Касцюшкi, сумесная з iншымi народамi Перамога 1945 г.

 

 

– Еўрапейскасць, талака, уменне змагацца за асабiстую годнасць, павага да ведаў, гатоўнасць змагацца за палiтычныя свабоды.

 

 

– Імёны Сапегi i Васiля Быкава, гарады Полацк, Тураў, Слуцк (збройны чын).

 

 

– Перакрыжаванне жыцця нашае Радзiмы, адносны дабрабыт (у параўнаннi з Расіяй).

 

 

– Шмат вякоў сумеснага жыцця побач з Расіяй і Польшчай: мы засталiся беларусамi.

 

– У канфедэрацыi: Польша+Лiтва+Украiна+Беларусь. Iншае немагчыма.