Быць беларусам: Сяргей Затуранаў

Сёння прапануем вашай увазе анкету Сяргея Затуранава, заснавальніка праекту Place.by.

 

– Гэта ў першую чаргу значыць быць патрыётам свайго народа. Я вельмі вялікі патрыёт і ганаруся гэтым. У мяне было некалькі магчымасцяў пакінуць Беларусь і пачаць кар’еру за мяжой. Але я шчаслівы, што не зрабіў гэтага.

– Беларусь тэрытарыяльна знаходзіцца паміж Расіяй і Заходняй Еўропай. Адсюль і асноўная рыса беларусаў – здольнасць дамаўляцца. За сваю гісторыю беларусы прайшлі праз шэраг цяжкасцяў, таму яны і навучыліся прыстасоўвацца і цярпець.
 

– Выданне першай беларускай друкаванай кнігі, утварэнне Вялікага княства Літоўскага, дзень перамогі ў Вялікай Айчыннай вайне, абранне першага прэзідэнта Рэспублікі Беларусь, прыняцце Канстытуцыі Беларусі.
 

– Магу вылучыць асноўныя – патрыятызм, любоў да беларускай культуры і мовы, павага да сваіх бацькоў і продкаў.
 

– У Беларусі дзве дзяржаўныя мовы, і я не хацеў бы быць катэгарычным у гэтым пытанні. Хаця я вельмі люблю беларускую мову, і мне хацелася б, каб кожны беларус ведаў родную мову.
 

– Я ганаруся беларусамі, якія дасягаюць пэўнай вядомасці на міжнародным узроўні, але ў той жа час памятаюць і любяць сваю радзіму, – гэта спартоўцы, навуковыя дзеячы, дзеячы культуры.
 

– Для большай часткі беларусаў уласцівыя прыстойнасць, дабрыня, мяккасць у зносінах.
 

– Беларусы – вельмі гасцінны народ. Любы замежнік пасля наведвання Беларусі з’язджае з жаданнем вярнуцца ізноў. Я думаю, гэта адна з выразных асаблівасцяў.
 

– Я аптыміст у дачыненні да гэтага. Беларусь становіцца ўсё больш цікавай у плане бізнэсу і інвестыцыяў. Эканамічна мы цяпер жывем у цяжкі перыяд, але гэта ўсё часовая з’ява. Галоўнае – захаваць тыя культурныя традыцыі, якія ёсць у нас.