21 красавіка TUT.BY ахоўвае гістарычныя помнікі

18 красавіка ва ўсім свеце адзначалі Міжнародны дзень помнікаў і гістарычных мясцінаў, гісторыя якога вядзецца з 1984 года. Сёння ў Дзяржаўным спісе гісторыка-культурных каштоўнасцяў Беларусі — 4911 аб'ектаў спадчыны (з іх 4779 нерухомыя, 73 рухомыя і 59 нематэрыяльныя). Усе яны знаходзяцца пад аховай дзяржавы. Аднак на справе за апошнія гады дзесяткі помнікаў былі пашкоджаны, разбураны ці загінулі пад уздзеяннем часу і праз адсутнасць да іх увагі.

А 10-й раніцы госцем нашай студыі будзе Цімох Акудовіч, намеснік старшыні Беларускага камітэту Міжнароднай рады па помніках і мясцінах (ІКАМОС), адзін з арганізатараў Фэсту экскурсаводаў. Наколькі вялікі турыстычны патэнцыял Беларусі як краіны замкаў, палацаў і шляхецкіх сядзібаў? Што рабіць з сотнямі занядбаных помнікаў гісторыі і архітэктуры, калі ў дзяржавы бракуе грошай на іх аднаўленне? Якія вынікі Фэсту экскурсаводаў, што другі год запар прайшоў у Беларусі 18 красавіка.

Аб 11.30 абмяркоўваем самыя вострыя праблемы захавання архітэктурнай спадчыны ў коле зацікаўленых асобаў: загадчыцы сектара аховы помнікаў Упраўлення па ахове гісторыка-культурнай спадчыны і рэстаўрацыі Міністэрства культуры Наталлі Хвір, галоўнага інжынера КУП “Мінская спадчына” Міхаіла Жыха, а таксама Антона Астаповіча, старшыні Беларускага добраахвотнага таварыства аховы помнікаў гісторыі і культуры.

Чаму ў Беларусі рэгулярна парушаецца заканадаўства ў сферы аховы помнікаў і як знайсці выйсце з гэтай сітуацыі? Якую пазіцыю ў гэтым пытанні займае дзяржава, інвестары і грамадскасць? Што змянілася ў гэтай сферы з прыходам на пасаду міністра культуры Паўла Латушкі?

Упершыню за адным сталом у жывой дыскусіі TUT спецыялісты, адносіны якіх між сабой не самыя простыя, абмяркуюць найбольш вострыя пытанні “без купюраў” ды паспрабуюць прыйсці да агульнага назоўніка.

Дасылайце таксама пытанні на студыйныя камунікатары: ICQ - 470659469, Skype – radiotutby.

Глядзіце жывую відэа-трансляцыю са студыі.

Жывая відэатрансляцыя нізкай якасці
Жывая відэатрансляцыя сярэдняй якасці
Жывая відэа-трансляцыя высокай якасцi


Слухайце жывы эфір.