Каля тысячы гектараў лесу пасадзяць на Міншчыне падчас традыцыйнай рэспубліканскай акцыі

Пятую частку ўсяго ляснога маладняка вобласці пасадзяць на Случчыне.

Сёлета спецыялісты робяць стаўку на сасну, елку, дуб і ясень. Лясную сяўбу правядуць на высечаных дзялянках, пустырах і непрадукцыйных сельгасземлях.  Саджаннцы якасныя — з уласнага гадавальніка.

Попыт на маладыя дрэўцы ёсць і ў камунальнікаў. Толькі летась на продажы саджанцаў мясцовы лясгас зарабіў больш за сто мільянаў рублёў.