Дэлегацыя апазіцыі едзе ў Варшаву

Сёння ў Варшаву накіроўваецца вялікая дэлегацыя беларускай апазіцыі. Па нашай інфармацыі, у яе складзе будуць лідэр Руху «За свабоду» Аляксандр Мілінкевіч, старшыня Партыі БНФ Аляксей Янукевіч, старшыня АГП Анатоль Лябедзька, лідэр «Справядлівага свету» Сяргей Калякін, старшыня БСДГ Станіслаў Шушкевіч, палітык Алесь Міхалевіч.

Канчатковая праграма візіту будзе зацверджаная сёння вечарам. Найхутчэй, што заўтра апазіцыянеры сустрэнуцца з міністрам замежных спраў Польшчы Радаславам Сікорскім.