Новы аб'ект аграэкатурызму прыме селета першых гасцей у Старадарожскім раене

Маентак ў весцы Барбэраўка ператварылі ў міні-гатэль з усімі выгодамі. Але не пазбавілі нацыянальнага каларыту.

Тут можна паляжаць на сапраўднай печцы, наведаць лазню і замовіць смачны абед ці вячэру. Але галоўнае – адпачынак на прыродзе. Зімой для турыстаў могуць арганізаваць паездкі на санях ці на лыжах, а летам – паход на возера ці за грыбамі-ягадамі. Першых гасцей у Барбэраўцы сустрэлі ў мінулым годзе. Беларусы, палякі, расіяне і нават падарожнікі з Узбекістану засталіся задаволены.