Колькасць выпускнікоў будаўнічай галіны павялічаць на Міншчыне

Без гэтага немагчыма выканаць план па ўзвядзенні жылля. А план гэты ў вобласці – амбіцыйны.

Калі летась будаўнікі рэгіёна здалі амаль мільён «квадратаў», то сёлета заданне — мільён трыста. Адпаведна, патрэба ў «рабочых руках» павялічваецца.

Штогод 20 прафесійна-тэхнічных ўстановаў Міншчыны выпускаюць да дзвюх тысяч спецыялістаў. Вядучым ў гэтай галіне з'яўляецца Чэрвеньскі будаўнічы ліцэй. Установе ўжо 40 год, і за гэты час адсюль выйшла больш за 80 тысяч майстроў!