Тайланд завяршыў дэпартацыю народнасці хмонг у Лаос

Улады Тайланда завяршылі дэпартацыю ў Лаос больш чым 4 тысячы прадстаўнікоў народнасці хмонг — нягледзячы на пратэсты праваабаронцаў.

Як перадае Бі‑Бі‑Сі, сярод высланых — 158 чалавек, чый статус уцекачоў афіцыйна прызнаны ААН.

Прадстаўнікі народнасці хмонг заяўляюць, што асцерагаюцца рэпрэсіяў з боку камуністычных уладаў Лаоса, так як у час вайны ў Індакітаі ў 60‑70‑я гады яны выступалі на баку амерыканскіх войскаў.

Улады Тайланда лічаць хмонг нелегальнымі эканамічнымі імігрантамі.

Ведамства ААН па справах уцекачоў заявіла, што дзеянні Тайланда ствараюць небяспечны прэцэдэнт.