Чарговая адстаўка Навумава

Уладзімір Навумаў вырашыў сысці з пасады старшыні Федэрацыі хакея Рэспублікі Беларусь.

Пра гэта ён заявіў сёння на пазачарговым пасяджэнні выканкама ФХРБ.

Уладзімір Навумаў паведаміў, што ў хуткім часе будзе працаўладкоўвацца за межамі Беларусі, таму не зможа надаваць хакею дастаткова часу.

Удзельнікі пасяджэння выканкама вырашылі правесці справаздачна‑выбарную канферэнцыю ФХРБ 21 студзеня 2010 г., на якой і будзе абраны кіраўнік хакейнай федэрацыі.