Затрыманая фотакарэспандэнт «НН» Юлія Дарашкевіч

Фотакарэспандэнт «НН» Юлія Дарашкевіч затрыманая ў панядзелак а 14:30 у раёне плошчы Незалежнасці.

Супрацоўнікі ДАІ спынілі машыну і затрымалі Юлію, калі яна па рэдакцыйным заданні ехала на сустрэчу са Змітром Дашкевічам.

Перад гэтым Юлія па тэлефоне сказала калегу, куды яна едзе.

Юлія паспела расказаць, што супрацоўнік ДАІ патлумачыў ёй, што «ёсць праблема» з яе машынай, маўляў, на яе ёсць адпаведная «арыенціроўка» і цяпер журналістцы «пагражае адміністрацыйнае затрыманне».

Цяпер Юлія Дарашкевіч знаходзіцца разам з машынай у ДАІ на пр-це Дзяржынскага. Яна ўпэўненая, што была затрыманыя пасля таго, як паведаміла, што едзе на сустрэчу з Дашкевічам.